Die 6 iunii
1. Sancti Norbérti, epíscopi, qui, móribus austérus atque totus unióni cum Deo et Evangélii prædicatióni déditus, prope Laudúnum in Gállia Canonicórum Regulárium Ordinem Præ rnonstraténsem instítuit et, Magdebúrgi in Saxónia pastor exírnius efféctus, vitam christiánam reformávit et fidem diffúndere ad vicínas gentes stúduit.
2. Romæ via Aurélia miliário secúndo, sanctórum Artémii et Paulínæ, mártyrum.
3. Scetis in Ægýpto, sancti Bessariónis, anachorétæ, qui pro Dei amóre mendícus et peregrínus éxstitit.
4 *. Gratianópoli in Burgúndia, sancti Cerátii, epíscopi, qui sancto Leóni papæ Magno pro lítteris ad Flaviánum scriptis grátias persólvit et gregem suum ab hæresi incólumem servávit.
5. Medioláni in Ligúria, sancti Eustórgii Secúndi, epíscopi, qui, pietáte, iustítia et pastóris virtútibus clarus, insígne baptistérium ædificávit.
6 *. In Hibérnia, sancti larláthi, epíscopi.
7. In monte lura, sancti Cláudii, qui epíscopus et abbas monastérii Condatiscénsis créditur fuísse.
8. In agro Bononiénsi in Æmília, tránsitus sancti Alexándri, epíscopi Fæsuláni, qui, rédiens e civitáte Pápia, ubi Ecclésiæ suæ bona apud Langobardórum regem ab usurpatóribus vindicáverat, ab his in flúvium deiéctus est et aquis præfocátus.
9. Constantinópoli, sancti Hilariónis, presbyteri et hegúmeni monastérii Dalmátii nuncupáti, qui ob sacrárum Imáginum cultum cárcerem, flagellatiónes et exsílium invícte passus est.
10 *. In ínsulis Orcádibus ad Scótiam respiciéntibus, sancti Colmáni, epíscopi.
11. In monastério Cavénsi in Campánia, beáti Falcónis, abbátis.
12 *. Arvérnæ in Aquitánia, sancti Gilbérti, abbátis ex Ordine Præmonstraténsi, qui, primum eremíta, dein Novemfontánis monastérium et nosocomíum exstrúxit.
13 *. Utini in Venétia, beáti Bertrándi, epíscopi Aquileiénsis et mártyris, qui cleri institutióni sédulo provídit, páuperes témpore famis suo sumptu nutrívit, iura Ecclésiæ suæ strénue deféndit et nonagenárius sicariórum íctibus vulnerátus óbiit.
14 *. Ortónæ in Aprútio, beáti Lauréntii de Villamágna de Másculis, presbyteri ex Ordine Fratrum Minórum, verbi Dei prædicatióne illústris.
15 *. Londínii in Anglia, beáti Guliélmi Greenwood, mártyris, e Cartúsia huius civitátis, qui ob tenácem fidelitátem Ecclésiæ servátam sub Henríco rege Octávo cárceris squalóre, fame et morbo conféctus martyrium complévit.
16. Apud civitátem Sancti Annemúndi in pago Gálliæ Lugdunénsi, sancti Marcellíni Champagnat, presbyteri e Societáte Maríæ, qui Institútum Parvulórum Fratrum Maríæ pro púeris christiáne instituéndis fundávit.
17. In urbe 1udng M y in Tunquíno, sanctórum mártyrum Petri Dfing et Petri Thuan, piscatórum, atque Vincéntii Dedng, agrícolæ, qui, cum crucem obtérere perseveránter renuíssent, ad ignem damnáti sunt, sub imperatóre TQ Disc.
18 *. Mexicópoli, tránsitus beáti Raphǽlis Guízar Valencia, epíscopi Veræ Crucis in México, qui témpore persecutiónis exsul ve1 clandestínus munus episcopále strénue exércuit.
19 *. Sachsenhúsæ in Germánia, beáti Innocéntii Guz, presbyteri ex Ordine Fratrum Minórum Conventuálium et mártyrís, qui, polónus génere, pátria more militári a sectatóribus opiniónum hóminum et religiónis adversárum invása, a vigílibus castrórum detentiónis ob Christi fidem trucidátus est.
Et álibi aliórum plurimórum sanctórum Mártyrum et Confessórum, atque sanctárum Vírginum.
r. Deo grátias.
v. Pretiósa in conspéctu Dómini, (T.P. Allelúia.)
r. Mors sanctórum eius, (T.P. Allelúia.)
r. Mors sanctórum eius, (T.P. Allelúia.)
Lectio brevis (Eccli 34,14-20)
Spíritus timéntium Dóminum vivet, et in respéctu illíus benedicétur. Spes enim illórum in salvántem illos, et óculi Dei in diligéntes se. Qui timet Dóminum, nihil trepidábit et non pavébit, quóniam ipse est spes eius. Timéntis Dóminum beáta est ánima eius. Ad quem réspicit? Et quis est fortitúdo eius? Oculi Dómini super timéntes eum: protéctor poténtiæ, firmaméntum virtútis, tégimen ardóris et umbráculum meridiáni, custódia offensiónis et adiutórium casus, exáltans ánimam et illúminans óculos, dans sanitátem vitæ et benedictiónem.
Verbum Dómini. r. Deo grátias.
Word of the Lord. r. Let us give thanks to God.
Sancta María et omnes Sancti intercédant pro nobis ad Dóminum, ut nos mereámur ab eo adiuvári et salvári, qui vivit et regnat in sǽcula sæculórum. r. Amen.
May Saint Mary and all the Saints intercede for us with the Lord, that we may deserve to be helped and saved by him who lives and reigns for ever and ever. r. Amen.
Absente sacerdote vel diacono, et in recitatione a solo, sic concluditur:
In the absence of a deacon or a priest, and in the recitation alone, it is concluded thus:
Dóminus nos benedícat, et ab omni malo deféndat, et ad vitam perdúcat ætérnam. r. Amen.
May the Lord bless us, forbid us from all evil, and bring us to eternal life. r. Amen.
Et fidélium ánimæ per misericórdiam Dei requiéscant in pace. r. Amen.
And may their souls rest in peace through the mercy of God. r. Amen.
v. Ite in pace. r. Deo grátias.
v. Go in peace. r. Let us give thanks to God.
The translations proposed here have the sole purpose of a better understanding of the Latin text. They are not to be used in place of the official translations in the liturgy in the vernacular.
