Die 26 iulii
1. Memória sanctórum Ióachim et Annæ, paréntum immaculátæ Vírginis Dei Genetrícis Maríæ, quorum nómina ab antíquis traditiónibus christianórum æserváta sunt.
2. Commemorátio sancti Erásti, qui, arcárius civitátis Corínthi, beáto Paulo Apóstolo ministrávit.
3. In monastério Sancti Benedícti ad Padum in agro Mantuáno, sancti Simeónis, mónachi et eremítæ.
4 *. Augústæ Auscórum in Aquitánia, sancti Austíndi, epíscopi, cuius ópera ecclésia cathedrális instrúcta est, pópuli mores expolíti, domus Dei ædificáta.
5 *. Verónæ in Venétia, beatórum Evangelístæ et Peregríni, presbyterórum.
6 *. Saxoferráti in Picéno Itáliæ, beáti Hugónis de Actis, mónachi e Congregatióne Silvestrinórum Ordinis Sancti Benedícti.
7 *. Septémpedæ item in Picéno, beátæ Camíllæ Gentili, mártyris, ab ímpio cóniuge necátæ.
8 *. In pago Gateshead prope Novum Castrum ad Tinam flumen in Anglia, beáti Ioánnis Ingram, presbyteri et mártyris, qui, génere anglus, in basílica Lateranénsi ordinátus in Scótia ministrávit, donec ultra fines Angliæ transgréssus propter sacerdótium sub Elísabeth regína Prima suspéndii pœna occúbuit.
9 *. Darlintónii item in Anglia, beáti Geórgii Swallowell, mártyris, qui, eódem anno, cum Ecclésiæ cathólicæ reconciliátus esset, cápite damnátus est et, quamvis magno timóre pertérritus et dire ab inimícis vexátus esset, fortis in fide sævíssima pro Christo accépit supplícia.
10 *. Lancástriæ item in Anglia, beatórum Eduárdi Thwing, ex Ordine Prædicatórum, et Robérti Nutter, presbyterórum et mártyrum, qui, multis labóribus in vínea Dómini peráctis, sub Elisabeth regína Prima propter sacerdótium damnáti, gloriósum martyrium consummavérunt.
11 *. Londínii item in Anglia, beáti Guliélmi Webster, presbyteri et mártyris, qui, cum vigínti ámplius annos váriis in carcéribus ministrásset, Cárolo Primo regnánte, de mandáto Parlaménti apprehénsus quod sacérdos esset, Tybúrni patíbulo suspénsus martyrium complévit.
12 *. In vico Phú ten in Annámia, beáti Andréæ, mártyris, qui, catechísta, persecutióne erga christiánam doctrínam furénte, a milítibus ímpie captus pro Christo sánguinem fudit, Ecclésiæ terræ istíus primítia.
13 *. In salo ad litus Rupifórtii in tabe navis ad áncoras deligátæ, beatórum Marcélli Gauchérii Labigne de Reignefort, e Societáte Missionariórum, et Petri Ioséphi Le Groing de La Romagère, presbyterórum et mártyrum, qui, prior in pago Lemovicénsi, alter in Bituricénsi, témpore gállicæ perturbatiónis in ódium religiónis ad inhumánam custódiam dati, inédia morbóque confécti quievérunt.
14 *. Arausióne item in Gállia, beatárum Maríæ Margarítæ a Sancto Augustíno Bonnet et quáttuor sociárum, vírginum ex Ordine Sanctæ Ursulæ, quæ in eáderri tempestáte martyrium subiérunt.
Quarum nomina: beatæ Catharina a Iesu (Maria Magdalena) de Jastamont, Anna a Sancto Basilio Cartier, Clara a Sancta Rosalia (Maria Clara) du Bac, Elisabeth Teresia a Corde Iesu Consolin.
15. Lúere in Langobárdia, sanctæ Bartholomææ Capitanio, vírginis, quæ cum sancta Vincéntia Gerosa Institútum Sorórum a Caritáte a María Infánte fundávit et vicésimo séptimo anno ætátis suæ óbiit, phthisi corrépta sed pótius caritáte consúmpta.
16 *. In vico Motril apud Granatam ad litus Hispániæ, beatórum Vincéntii Pinilla, ex Ordine Augustinianórum Recollectórum, et Emmanuélis Martín Sierra, presbyterórum et mártyrum, qui postrídie martyrii quinque sociórum ex ecclésia abrépti sunt et plumbis transfóssi.
17 *. Intra castra detentiónis Dacháni prope Monáchium Baváriæ in Germánia, beáti Titi Brandsma, presbyteri ex Ordine Carmelitárum et mártyris, qui, nederlándicus génere, pro Ecclésiæ et dignitátis hóminis defensióne, omne genus ærumnárum vexationúmque æquo ánimo pértulit, exémplum exímiæ caritátis tarn erga concaptívos quam étiam erga ipsos carnífices præbens.
18 *. Valléttæ in ínsula Meliténsi, beáti Geórgii Preca, presbyteri, qui, múneri amánter déditus catechéticam curándi institutiónem puerórum, Societátem Doctrínæ Christiánæ fundávit pro verbo Dei in pópulum próvide testificándo.
Et álibi aliórum plurimórum sanctórum Mártyrum et Confessórum, atque sanctárum Vírginum.
r. Deo grátias.
v. Pretiósa in conspéctu Dómini, (T.P. Allelúia.)
r. Mors sanctórum eius, (T.P. Allelúia.)
r. Mors sanctórum eius, (T.P. Allelúia.)
Lectio brevis (2 Thess 2, 15-17; 3,5)
Itaque, fratres, state et tenéte traditiónes, quas didicístis sive per sermónem sive per epístulam nostram. Ipse autem Dóminus noster Iesus Christus et Deus Pater noster, qui diléxit nos et dedit consolatiónem ætérnam et spem bonam in grátia, consolétur corda vestra et confírmet in omni ópere et sermóne bono.
Now our Lord Jesus Christ himself, and God and our Father, who hathloved us, and hath given us everlasting consolation, and good hope in grace, Exhort your hearts, and confirm you in every good work and word.
Verbum Dómini. r. Deo grátias.
Word of the Lord. r. Let us give thanks to God.
Sancta María et omnes Sancti intercédant pro nobis ad Dóminum, ut nos mereámur ab eo adiuvári et salvári, qui vivit et regnat in sǽcula sæculórum. r. Amen.
May Saint Mary and all the Saints intercede for us with the Lord, that we may deserve to be helped and saved by him who lives and reigns for ever and ever. r. Amen.
Absente sacerdote vel diacono, et in recitatione a solo, sic concluditur:
In the absence of a deacon or a priest, and in the recitation alone, it is concluded thus:
Dóminus nos benedícat, et ab omni malo deféndat, et ad vitam perdúcat ætérnam. r. Amen.
May the Lord bless us, forbid us from all evil, and bring us to eternal life. r. Amen.
Et fidélium ánimæ per misericórdiam Dei requiéscant in pace. r. Amen.
And may their souls rest in peace through the mercy of God. r. Amen.
v. Ite in pace. r. Deo grátias.
v. Go in peace. r. Let us give thanks to God.
The translations proposed here have the sole purpose of a better understanding of the Latin text. They are not to be used in place of the official translations in the liturgy in the vernacular.
