v. Deus, ✠ in adiutórium meum inténde.
v. O God, come to my assistance;
r. Dómine, ad adiuvándum me festína.
r. O Lord, make haste to help me.
Glória Patri, et Fílio, et Spirítui Sancto. Sicut erat in princípio, et nunc et semper, et in sǽcula sæculórum. Amen.
Glory be to the Father, and to the Son, and to the Holy Spirit. As it was in the beginning, is now, and ever shall be, world without end. Amen.
Allelúia.
Hymnus
Rector potens, verax Deus, qui témperas rerum vices, splendóre mane ínstruis et ígnibus merídiem.
O God of truth, O Lord of might Who orderest time and change aright, Who send’st the early morning ray, And lightest the glow of perfect day:
Exstíngue flammas lítium, aufer calórem nóxium, confer salútem córporum verámque pacem córdium.
Extinguish Thou each sinful fire, And banish every ill desire; And while Thou keep’st the body whole, Shed forth Thy peace upon the soul.
Præsta, Pater piíssime, Patríque compar Unice, cum Spíritu Paráclito regnans per omne sǽculum. Amen.
Almighty Father, hear our cry, Through Jesus Christ, our Lord most High, Who, with the Holy Ghost and Thee, Doth live and reign eternally.
Ant. Déxtera Dómini fecit virtútem, déxtera Dómini exaltávit me.
Ant.
Psalmus 117 (118)
Psalm 117 (118)
Vox iubilationis et salutis
Voice of joy and salvation
Hic est lapis, qui reprobatus est a vobis ædificatoribus, qui factus est in caput anguli (Act 4, 11).
This is the stone rejected by you builders, which has become the cornerstone (Act 4:11).
I
I
Confitémini Dómino, quóniam bonus, * quóniam in sæculum misericórdia eius.
Dicat nunc Israel, quóniam bonus, * quóniam in sæculum misericórdia eius.
Dicat nunc domus Aaron, * quóniam in sæculum misericórdia eius.
Dicant nunc, qui timent Dóminum, * quóniam in sæculum misericórdia eius.
De tribulatióne invocávi Dóminum, * et exaudívit me edúcens in latitúdinem Dóminus.
Dóminus mecum, * non timébo, quid fáciat mihi homo.
Dóminus mecum adiútor meus, * et ego despíciam inimícos meos.
Bonum est confúgere ad Dóminum * quam confídere in hómine.
Bonum est confúgere ad Dóminum * quam confídere in princípibus.
Glória Patri, et Fílio, * et Spirítui Sancto.
Glory be to the Father, and to the Son, and to the Holy Spirit.
Sicut erat in princípio, et nunc et semper, * et in sǽcula sæculórum. Amen.
As it was in the beginning, is now and ever shall be, and ever shall be. Amen.
II
II
Omnes gentes circuiérunt me, * et in nómine Dómini excídi eos.
Circumdántes circumdedérunt me, * et in nómine Dómini excídi eos.
Circumdedérunt me sicut apes † et exarsérunt sicut ignis in spinis, * et in nómine Dómini excídi eos.
Impelléntes impulérunt me, ut cáderem, * et Dóminus adiúvit me.
Fortitúdo mea et laus mea Dóminus * et factus est mihi in salútem.
Vox iubilatiónis et salútis * in tabernáculis iustórum:
«Déxtera Dómini fecit virtútem! † Déxtera Dómini exaltávit me; * déxtera Dómini fecit virtútem!».
Glória Patri, et Fílio, * et Spirítui Sancto.
Glory be to the Father, and to the Son, and to the Holy Spirit.
Sicut erat in princípio, et nunc et semper, * et in sǽcula sæculórum. Amen.
As it was in the beginning, is now and ever shall be, and ever shall be. Amen.
III
III
Aperíte mihi portas iustítiæ; * ingréssus in eas confitébor Dómino.
Hæc porta Dómini; * iusti intrábunt in eam.
Confitébor tibi, quóniam exaudísti me * et factus es mihi in salútem.
Lápidem, quem reprobavérunt ædificántes, * hic factus est in caput ánguli;
a Dómino factum est istud * et est mirábile in óculis nostris.
Hæc est dies, quam fecit Dóminus: * exsultémus et lætémur in ea.
O Dómine, salvum me fac; * o Dómine, da prosperitátem!
Benedíctus, qui venit in nómine Dómini. * Benedícimus vobis de domo Dómini.
Deus Dóminus et illúxit nobis. * Instrúite sollemnitátem in ramis condénsis usque ad córnua altáris.
Deus meus es tu, et confitébor tibi, * Deus meus, et exaltábo te.
Confitémini Dómino, quóniam bonus, * quóniam in sæculum misericórdia eius.
Glória Patri, et Fílio, * et Spirítui Sancto.
Glory be to the Father, and to the Son, and to the Holy Spirit.
Sicut erat in princípio, et nunc et semper, * et in sǽcula sæculórum. Amen.
As it was in the beginning, is now and ever shall be, and ever shall be. Amen.
Ant. Déxtera Dómini fecit virtútem, déxtera Dómini exaltávit me.
Ant.
Lectio brevis (Rom 8, 22-23)
Scimus quod omnis creatúra congemíscit et compárturit usque adhuc; non solum autem, sed et nos ipsi primítias Spíritus habéntes, et ipsi intra nos gémimus adoptiónem filiórum exspectántes, redemptiónem córporis nostri.
For we know that every creature groaneth and travaileth in pain, even till now. And not only it, but ourselves also, who have the firstfruits of the Spirit, even we ourselves groan within ourselves, waiting for the adoption of the sons of God, the redemption of our body.
v. Bénedic, ánima mea, Dómino. r. Qui rédimit de intéritu vitam meam.
Orémus.
Postea dicitur immediate et sine orémus oratio propria, cum conclusione longiore.
Deus, per quem nobis et redémptio venit et præstátur adóptio, † fílios dilectiónis tuæ benígnus inténde, * ut in Christo credéntibus et vera tribuátur libértas, et heréditas ætérna. Per Dóminum.
Dóminus vobíscum.
r. Et cum spíritu tuo.
Benedícat vos omnípotens Deus, Pater, ✠ et Fílius, et Spíritus Sanctus.
r. Amen.
Vel alia formula benedictionis, sicut in Missa.
Et si fit dimissio, sequitur invitatio:
Absente sacerdote vel diacono, et in recitatione a solo, sic concluditur:
Dóminus nos benedícat, et ab omni malo deféndat, et ad vitam perdúcat ætérnam. r. Amen.
