Die 28 septembris
1. Sancti Venceslái, mártyris, qui, dux Bohemórum, sapiéntia divína et humána ab ávia sancta Ludmílla erudítus, sevérus in se, pacíficus vero in administrándo regno et erga páuperes miséricors, servos pagános Pragæ vendéndos turmátim redémit, ut baptizaréntur; post multas difficultátes susténtas in súbditis regéndis atque fide informándis, a fratre Bolesláo próditus, Véteris Bolesláviæ in Bohémia in ecclésia a sicáriis occísus est.
2. Sanctórum Lauréntii de Maníla Ruiz et quíndecim sociórum, mártyrum, qui, turn presbyteri cum religiósi vel láici, postquam fidem christiánam per ínsulas Philippínas, Formósam et lapónicas disseminavérunt, ex decréto suprémi ducis Tokugawa Yemitsu Nagasákii in Iapónia separátis diébus pro Christi amóre martyrium consummárunt, sed una celebrántur commemoratióne.
Quorum nomina: sancti Dominicus Ibáñez de Erquicia, lacobus Kyuhei Gorobioye Tomonaga, Antonius Cìonzález, Michael de Aozaraza, Gulielmus Courtet, Vincentius Shiwozuka, Lucas Alphonsus Gorda, lordanus (Hyacinthus) Ansalone et Thomas Hioji Rokuzayemon Nishi, presbyteri ex Ordine Prædicatorum; Franciscus Shoyemon, Michael Kurobioye et Matthæus Kohioye, religiosi ex eodem Ordine; Magdalena de Nagasakio, virgo e Tertio Ordine Sancti Augustini; Marina de Omura, virgo e Tertio Ordine Prædicatorum; Lazarus de Kyoto, laicus.
3. Calydóne Pisídiæ, sanctórum fratrum Alphæi, Alexándri et Zósimi, mártyrum.
4. In Vétere Laura prope Bethlehem Palæstínæ, sancti Charitónis, abbátis, qui, oratióne et ieiúniis assíduus, plures lauras in desérto fundávit.
5. Bonóniæ in Æmília, sancti Zamæ, qui primus eiúsdem civitátis epíscopus habétur.
6. Tolósæ in Aquitánia, sancti Exsupérii, epíscopi, qui basílicam in honórem sancti Saturníni dicávit et, bárbaris irruéntibus, strénuum civitátis suæ defensórem se prǽbuit; quantum in se parcus, in álios vero largus exstíterit sanctus Hierónymus refert.
7. In Bethlehem ludæ, commemorátio sanctæ Eustóchii, vírginis, quæ cum sancta Paula, rnatre sua, ex urbe Roma ad præsépe Dómini profécta est, ne sancti Hierónymi magístri consílio caréret, ibíque præcláris méritis fulgens ad Dóminurri migrávit.
8. Genévæ Helvetiórum, sancti Salónii, epíscopi, qui primum in ínsula Lirinénsi vitam monásticam egit, dein epíscopus efféctus sancti Leónis papæ Magni doctrínam asséruit atque Sacras Scriptúras mystice explanávit.
9 *. Régii in Província Gálliæ, sancti Fausti, epíscopi, ántea abbátis Lirinénsis, qui contra ariános de Verbo Dei carne facto et de Spíritu Sancto consubstantiáli Patri Filióque coætérno scripsit et ab Euríco rege exsílio afféctus est.
10 *. Lugdúni in Gállia, sancti Annemúndi, epíscopi et mártyris.
11 *. Salisbúrgi in Bavária, sanctórum Chuniáldi et Gisilárii, presbyterórum, qui sancto Rupérto epíscopo opem tulérunt.
12. Apud Mogúntiam in Rhenánia Austrásiæ, sanctæ Léobæ, vírginis, quæ a sancto Bonifátio propínquo suo ex Anglia in Germániam vocáta est et ad Túberam monastério præfécta, ubi ancíllas Dei ad perfectiónis viam verbo et exémplo diréxit.
13 *. Pápiæ in Langobárdia, beáti Bernardíni de Féltria (Martíni) Tomitano, presbyteri ex Ordine Minórum, qui usquequáque bonam tulit frugem múneris prædicatiónis sui, advérsus usúram Montes Pietátis, qui dicúntur, instítuit et, vir pacis, ad civíles discórdias componéndas a Xysto papa Quarto vocátus est.
14. Matríti in Hispánia, sancti Simónis de Rojas, presbyteri ex Ordine Sanctíssimæ Trinitátis pro redemptióne captivórum, qui, regínæ Hispániæ comitátui addíctus, currum aut mercédem numquam accépit, sed inter régios splendóres húmilem, páuperem, misericórdem in míseros et Deo ardénter devótum semper se præbuit.
15 *. Nagasákii in Iapónia, beatórum Ioánnis Shozaburo, catechístæ, Máncii Ichizayemon, Michǽlis Taiemon Kinoshi, Lauréntii Hachizo, Petri Terai Kuhioye et Thomæ Terai Kahioye, mártyrum, qui pro Christo decolláti sunt.
16 *. In vico Sancti Felícis de Codines in Cataláunia Hispániæ regióne, beáti Francísci Xavérii Ponsa Casallarch, religiósi ex Ordine Sancti Ioánnis a Deo et mártyris, qui, persecutióne sæviénte, pro Christo et Ecclésia ad gloriósam palmam pervénit.
17 *. In óppido Benillup in pago Lucentíno item in Hispánia, beátæ Amáliæ Abad Casasempere, mártyris, quæ, materfamílias, témpore persecutiónis erga fidem ob Christi testimónium coronáta est.
18 *. Valéntiæ item in Hispánia, beáti Ioséphi Tarrats Comaposada, religiósi e Societáte Iesu et mártyris, qui in eádem persecutióne in Christo exaudítus est in glóriam.
19 *. In civitáte Haradzar prope Caragándam in Cazastánia, beáti Nicétæ Budka, epíscopi, qui, prirrius exércens munus in Cánada inter christifidéles cathólicos Ritus byzantíni, témpore regíminis in Deum hostílis, in carripum detentiónis deportátus est, ubi in fide persevérans pro amóre Christi ómnia advérsa ánimi fortitúdine usque ad mortem tolerávit.
Et álibi aliórum plurimórum sanctórum Mártyrum et Confessórum, atque sanctárum Vírginum.
r. Deo grátias.
v. Pretiósa in conspéctu Dómini, (T.P. Allelúia.)
r. Mors sanctórum eius, (T.P. Allelúia.)
r. Mors sanctórum eius, (T.P. Allelúia.)
Lectio brevis (2 Thess 2, 15-17; 3,5)
Itaque, fratres, state et tenéte traditiónes, quas didicístis sive per sermónem sive per epístulam nostram. Ipse autem Dóminus noster Iesus Christus et Deus Pater noster, qui diléxit nos et dedit consolatiónem ætérnam et spem bonam in grátia, consolétur corda vestra et confírmet in omni ópere et sermóne bono.
Now our Lord Jesus Christ himself, and God and our Father, who hathloved us, and hath given us everlasting consolation, and good hope in grace, Exhort your hearts, and confirm you in every good work and word.
Verbum Dómini. r. Deo grátias.
Sancta María et omnes Sancti intercédant pro nobis ad Dóminum, ut nos mereámur ab eo adiuvári et salvári, qui vivit et regnat in sǽcula sæculórum. r. Amen.
Absente sacerdote vel diacono, et in recitatione a solo, sic concluditur:
Dóminus nos benedícat, et ab omni malo deféndat, et ad vitam perdúcat ætérnam. r. Amen.
Et fidélium ánimæ per misericórdiam Dei requiéscant in pace. r. Amen.
v. Ite in pace. r. Deo grátias.
