Die 12 aprilis
1. Firmi in Picéno Itáliæ, sanctæ Víssiæ, vírginis et mártyris.
2. Romæ in cœmetério Calepódii via Aurélia tértio miliário, deposítio sancti Iúlii papæ Primi, qui, ariánis sæviéntibus, fidem nicænam strénue custodívit, Athanásium deféndit obiurgátum ac éxsulem recépit et Sardicénse Concílium congregándum curávit.
3. Verónæ in Venétia, sancti Zenónis, epíscopi, cuius labóre et prædicatióne urbs ad Christi baptísmum ducta est.
4. In Cappadócia, sancti Sabæ Gothi, mártyris, qui, cum Athanarícus Gothórum rex christiános insequerétur, tértia die post celebratiónem Páschatis, cibos idólis immolátos réspuens, post sæva torménta in flumen præcipitátus est.
5. Apud Vapíncum in Província Gálliæ, sancti Constantíni, epísco-
6. Pápiæ in Langobárdia, sancti Damiáni, epíscopi, cuius epístula de recta fide circa voluntátem et operatiónem in Christo in Synodo Constantinopolitána Tértia lecta est.
7 *. Párii in Hellespónto, sancti Basilíi, epíscopi, qui ob sacrórum Imáginum cultum vérbera, víncula et exsílium passus est.
8 *. In pago Pontívo Gálliæ, sancti Erkembodónis, abbátis Sithivénsis simúlque epíscopi Taruannénsis.
9 *. In monastério Cavénsi in Campánia, sancti Alférii, fundatóris et primi abbátis, qui, olim consiliárius Guaimárii ducis Salernitáni, Cluníaci sancti Odilónis discípulus factus est et vitæ monásticæ observántiam apte dídicit.
10. In monastério Beleménsi prope Ulyssipónem in Lusitánia, beáti Lauréntii, presbyteri ex Ordine Sancti Hierónymi, ad quem propter exímiam ipsíus pietátem pæniténtes quamplúrimi se conferébant.
11. In civitáte Los brides in Chília, sanctæ Terésiæ a Iesu (loánnæ) Fernández Solar, vírginis, quæ, novítia in Ordine Carmelitárum Discalceatárum, vitam Deo, ut aiébat, consecrávit pro mundo peccatóre et vigésimo ætátis anno typho corrépta óbiit.
12. Neápoli in Itália, sancti Ioséphi Moscati, qui, médicus, cotidiánam et indeféssam óperam infírmis assidéndo numquam intermísit, nulla a pauperióribus flagitáta mercéde, et corpóribus medens ánimos simul peramánter curábat.
13. In pago Sancti loseph territórii Chilpancingénsis in México, sanctİ DaVidis Uribe, presbyteri et mártyris, qui in tempestátibus persecutiónis contra Ecclésiam pro Christo Rege martyrium passus est.
Et álibi aliórum plurimórum sanctórum Mártyrum et Confessórum, atque sanctárum Vírginum.
r. Deo grátias.
v. Pretiósa in conspéctu Dómini, (T.P. Allelúia.)
r. Mors sanctórum eius, (T.P. Allelúia.)
r. Mors sanctórum eius, (T.P. Allelúia.)
Lectio brevis (Col 3,1-4)
Si conresurrexístis Christo, quæ sursum sunt quǽrite, ubi Christus est in déxtera Dei sedens; quæ sursum sunt sápite, non quæ supra terram. Mórtui enim estis, et vita vestra abscóndita est cum Christo in Deo! Cum Christus apparúerit, vita vestra, tunc et vos apparébitis cum ipso in glória.
Verbum Dómini. r. Deo grátias.
Word of the Lord. r. Let us give thanks to God.
Sancta María et omnes Sancti intercédant pro nobis ad Dóminum, ut nos mereámur ab eo adiuvári et salvári, qui vivit et regnat in sǽcula sæculórum. r. Amen.
May Saint Mary and all the Saints intercede for us with the Lord, that we may deserve to be helped and saved by him who lives and reigns for ever and ever. r. Amen.
Absente sacerdote vel diacono, et in recitatione a solo, sic concluditur:
In the absence of a deacon or a priest, and in the recitation alone, it is concluded thus:
Dóminus nos benedícat, et ab omni malo deféndat, et ad vitam perdúcat ætérnam. r. Amen.
May the Lord bless us, forbid us from all evil, and bring us to eternal life. r. Amen.
Et fidélium ánimæ per misericórdiam Dei requiéscant in pace. r. Amen.
And may their souls rest in peace through the mercy of God. r. Amen.
v. Ite in pace. r. Deo grátias.
v. Go in peace. r. Let us give thanks to God.
The translations proposed here have the sole purpose of a better understanding of the Latin text. They are not to be used in place of the official translations in the liturgy in the vernacular.
