Die 14 aprilis
1. Romæ in cœmetério Prætextáti via Appia, sanctórum Tibúrtii, Valeriáni et Máximi, mártyrum.
2. Antiochíæ in Syria, sanctórum mártyrum Bernícæ et Prosdócæ, vírginum, cum Domnína rriatre, quæ, témpore persecutiónis, ut insectatóres pudicítiæ suæ devitárent, salútem fuga peténtes in flúvio tandem martyrium invenérunt.
3. In erémo Nitriénsi in Ægýpto, sancti Frontónis, abbátis, qui cum septuagínta círciter sóciis in erémum discéssit.
4 *. Elphíni in Hibérnia, sancti Asíci, epíscopi, qui sancti Patrícii discípulus et primus huius Ecclésiæ epíscopus habétur.
5. Alexandríæ in Ægýpto, sanctæ Thomáidis, mártyris.
6. Lugdúni in Gállia, sancti Lambérti, epíscopi, qui prius mónachus fuit et póstea abbas Fontanellénsis.
7 *. Monte Maráno in Campánia, sancti Ioánnis, epíscopi, qui míseris sublevándis et clero sanctificándo óperam studiúmque navávit.
8 *. In monastério Tironiénsi apud Carnútum in Gállia, sancti Bernárdi, abbátis, qui íterum iterúmque in silvis ve1 in ínsula Calvísia vitam egit eremíticam, sed étiam discípulos, qui ad eum turmátim confluébant, instrúxit et ad perfectiónem evangélicam duxit.
9. Avenióne in Província, sancti Benedícti, pastóris adulescéntis, cuius virtúte, Dómino adiuvánte, pons super Rhódanum cívibus perútilis ædificátus est.
10. . Tudis in Gall cia Hispániæ, beáti Petri González, vulgo Telmi appelláti, presbyteri ex Ordine Prædicatórum, qui, tarn húmilis efféctus quam glóriæ fúerat cúpidus, in míseros præsértim nautas et piscatóres adiuvándos se impéndit.
11 *. Schiedámi in Géldria, sanctæ Liduínæ, vírginis, quæ pro peccatórum conversióne et animárum liberatióne infirmitátes córporis per totam vitam patiénter ac soli Deo confísa sústulit.
12 *. In vico Cuevas de Zinromà prope Castáliam in Hispánia, beátæ Isabéllæ Calduch Rovira, vírginis ex Ordine Clarissárum Capuccinárum et mártyris, quæ, témpore persecutiónis erga fidem, pro Christo Sponso occúbuit.
Et álibi aliórum plurimórum sanctórum Mártyrum et Confessórum, atque sanctárum Vírginum.
r. Deo grátias.
v. Pretiósa in conspéctu Dómini, (T.P. Allelúia.)
r. Mors sanctórum eius, (T.P. Allelúia.)
r. Mors sanctórum eius, (T.P. Allelúia.)
Lectio brevis (1Cor15,13-14.16-17.20)
Si resurréctio mortuórum non est, neque Christus suscitátus est! Si autem Christus non suscitátus est, inánis est ergo prædicátio nostra, inánis est et fides vestra. Nam si mórtui non resúrgunt, neque Christus resurréxit; quod si Christus non resurréxit, stulta est fides vestra; adhuc estis in peccátis vestris. Nunc autem Christus resurréxit a mórtuis, primítiæ dormiéntium.
Verbum Dómini. r. Deo grátias.
Word of the Lord. r. Let us give thanks to God.
Sancta María et omnes Sancti intercédant pro nobis ad Dóminum, ut nos mereámur ab eo adiuvári et salvári, qui vivit et regnat in sǽcula sæculórum. r. Amen.
May Saint Mary and all the Saints intercede for us with the Lord, that we may deserve to be helped and saved by him who lives and reigns for ever and ever. r. Amen.
Absente sacerdote vel diacono, et in recitatione a solo, sic concluditur:
In the absence of a deacon or a priest, and in the recitation alone, it is concluded thus:
Dóminus nos benedícat, et ab omni malo deféndat, et ad vitam perdúcat ætérnam. r. Amen.
May the Lord bless us, forbid us from all evil, and bring us to eternal life. r. Amen.
Et fidélium ánimæ per misericórdiam Dei requiéscant in pace. r. Amen.
And may their souls rest in peace through the mercy of God. r. Amen.
v. Ite in pace. r. Deo grátias.
v. Go in peace. r. Let us give thanks to God.
The translations proposed here have the sole purpose of a better understanding of the Latin text. They are not to be used in place of the official translations in the liturgy in the vernacular.
