Die 30 iunii
1. Sanctórum protomártyrum Sanctæ Románæ Ecclésiæ, qui de Urbis incéndio accusáti divérsis supplíciis a Neróne imperatóre sævíssime intérfici iussi sunt; álii enim ferárum tergis contécti laniátibus canum expósiti sunt, álii crúcibus affíxi aliíque incéndio tráditi, ut, ubi defecísset dies, noctúrna lúmina deservírent. Erant hi omnes Apostolórum discípuli et primítiæ mártyrum, quas Romána Ecclésia transmísit Dómino.
2. Alexandríæ in Ægýpto, sancti Basílidis, qui, sub Septímio Sevéro imperatóre, cum sanctam Potamiœnam vírginem, quam ad supplícium ducébat, ab impudicórum hóminum petulántia tutátus esset, religiósi offícii mercédem recépit; nam ipse, eius précibus ad Christum convérsus et brevi agóne certans, martyr gloriósus efféctus est.
3. Lemóvici in Aquitánia, sancti Martiális, epíscopi.
4 *. Cenómani in Néustria, sancti Bertichrámni, epíscopi, pastóris pacífici et paupéribus monachísque inténti.
5 *. Salisbúrgi in Bavária, sanctæ Erentrúdis, primæ abbatíssæ monastérii Nonneburgénsis et sancti Rupérti nepótis, cuius prædicatiónem oratióne et labóre adiúvit.
6. Salanícæ in território Vicentíno, sancti Theobáldi, presbyteri et eremítæ, qui, ex Campániæ gállicæ comítibus, cum amíco Gualtério honóribus et divítiis peregrinatiónes pro Christo paupertátem et solitúdinem prǽtulit.
7. Nitrávæ ad Vagum flumen apud montes Carpátes, tránsitus sancti Ladislái, qui, rex Hungáriæ, in domínio suo leges christiánas a sancto Stéphano edíctas restítuit, mores emendávit, ipse virtútum exémpla præbens, atque in Croátia, Hungárico regno coniúncta, de christiána fide propagánda strénue laborávit et Zagábriæ sedem episcopálem cóndidit. Dunn vero Bohémis bellum inferébat, óbiit et corpus eius póstea Varadíni in Transilvánia depósitum est.
8. Bambérgæ in Francónia, sancti Othónis, epíscopi, qui Pomerános summo zelo evangelizávit.
9 *. Osnabrúgi in Saxónia, sancti Adólphi, epíscopi, qui Cisterciénses consuetúdines in monastério Altencampénsi suscépit.
10. . Londínii in Anglia, beáti Philíppi Powell, presbyteri ex Ordine Sancti Benedícti et mártyris, qui, génere cambriénsis, sub Cárolo rege Primo in navi captus quod sacérdos esset et Angliam péteret, Tybúrni ad patíbuli cruciátus ductus est.
11. . Neápoli in Campánia, beáti lanuárii Maríæ Sarnelli, presbyteri e Congregatióne Sanctíssimi Redemptóris, qui ad omne genus miserórum adiuvándum actuóse incúbuit.
12. In urbe Hâi Diföng in Tunquíno, sancti Vincéntii Do Yen, presbyteri ex Ordine Prædicatórum et mártyris, qui sub imperatóre Minh Mąng in ódium christiánæ fídei decollatióne périit.
13. In pago Chendun apud Jiaohe provínciæ Hebei in Sinis, sanctórum Raymúndi Li Quanzhen et Petri Li Quanhui, mártyrum, qui, fratres, in persecutióne a fautóribus sectæ « Yihetuan » confécta præclárum testimónium Christo dedérunt: alter enim ad ethnicórum ternplum perdúctus commentícia núrriina excólere rénuit et verberátus occúbuit, alter vero haud minóre crudelitáte interféctus est.
14. Leópoli in Ucraína, commemorátio beáti Zenónis Kovalyk, presbyteri e Congregatióne Sanctíssimi Redemptóris et mártyris, qui, témpore regíminis in Deum hostílis, ignóto die huius mensis gloriósam palmam adipísci méruit.
15 *. Vinnipégæ in Manitóba Canadénsi província, beáti Basilíi Velyčkovskyj, epíscopi Ecclésiæ græcocathólicæ Ucraínæ et mártyris, qui, ob munus clandestíne exércitum inter christifidéles cathólicos Ritus byzantíni multa a persecutóribus fídei in pátria crudéliter perpéssus, Christi sacrifício sociátus, exsul occúbuit.
Et álibi aliórum plurimórum sanctórum Mártyrum et Confessórum, atque sanctárum Vírginum.
r. Deo grátias.
v. Pretiósa in conspéctu Dómini, (T.P. Allelúia.)
r. Mors sanctórum eius, (T.P. Allelúia.)
r. Mors sanctórum eius, (T.P. Allelúia.)
Lectio brevis (Eccli 44,2.13-15)
Multam glóriam fecit Dóminus, magnificéntiam suam a sǽculo. Usque in ætérnum manet semen eórum, et glória eórum non derelinquétur. Córpora ipsórum in pace sepúlta sunt, et nomen eórum vivit in generatiónem et generatiónem; sapiéntiam ipsórum narrent pópuli, et laudem eórum núntiet ecclésia.
Verbum Dómini. r. Deo grátias.
Word of the Lord. r. Let us give thanks to God.
Sancta María et omnes Sancti intercédant pro nobis ad Dóminum, ut nos mereámur ab eo adiuvári et salvári, qui vivit et regnat in sǽcula sæculórum. r. Amen.
May Saint Mary and all the Saints intercede for us with the Lord, that we may deserve to be helped and saved by him who lives and reigns for ever and ever. r. Amen.
Absente sacerdote vel diacono, et in recitatione a solo, sic concluditur:
In the absence of a deacon or a priest, and in the recitation alone, it is concluded thus:
Dóminus nos benedícat, et ab omni malo deféndat, et ad vitam perdúcat ætérnam. r. Amen.
May the Lord bless us, forbid us from all evil, and bring us to eternal life. r. Amen.
Et fidélium ánimæ per misericórdiam Dei requiéscant in pace. r. Amen.
And may their souls rest in peace through the mercy of God. r. Amen.
v. Ite in pace. r. Deo grátias.
v. Go in peace. r. Let us give thanks to God.
The translations proposed here have the sole purpose of a better understanding of the Latin text. They are not to be used in place of the official translations in the liturgy in the vernacular.
