Die 30 iulii
1. Sancti Petri, cognoménto Chrysólogi, epíscopi Ravennaténsis et Ecclésiæ doctóris, qui, beáti Apóstoli nactus cognómen, eiúsdem munus ita perfécit, ut cæléstis doctrínæ reti in fidem turbas conclúderet et divíni sermónis dulcédine satiáret. Ipsíus vero tránsitus Fori Cornélii in Flamínia crástina die advénit.
2. Romæ in cœmetério Pontiáni via Portuénsi, sanctórum Abdon et Sennen, mártyrum.
3. Cæsaréæ in Cappadócia, sanctæ lulíttæ, mártyris, quæ, cum constánter iúdicis iussum recusásset thuris idólis offeréndi, in ignem coniécta est.
'° Quorum nomina: Antonius López Couceiro, Felicissimus Díez González, Saturius Rey Robles, Thyrsus Manrique Melero, presbyteri, Gumersindus Soto Barros et Lambertus de Navascués y de Juan, religiosi, ex Ordine Prædicatórum; atque Emmanuel Albert Ginés, presbyter.
4. Thuburbóne Lucernáriæ in Africa, sanctórum Máximæ, Donatíllæ et Secúndæ, vírginum et mártyrum, quarum duæ primæ in persecutióne Diocletiáni imperatóris sine metu præcéptum c saris idólis sacrificándi respuérunt et ex Anulíni procónsulis senténtia una cum puélla Secúnda primum ad béstias tráditæ sunt, dein gládio iugulátæ.
5. Autissiodóri in Gállia Lugdunénsi, sancti Ursi, epíscopi.
6 *. Gistéllæ in Flándria, sanctæ Godelévæ, mártyris, quæ, nupta dómino loci, a cóniuge et matre eius multa passa est et tandem a duóbus fámulis stranguláta.
7 *. Calerógæ in Castélla Hispániæ regióne, commemorátio beáti Mannis Guzmán, presbyteri, sancti Domínici fratris, in Ordine Prædicatórum propagándo eius adiutóris et prudéntis moniálium consiliárii.
8 *. Londínii in Anglia, beatórum Eduárdi Powell, Richárdi Featherstone et Thomæ Abel, presbyterórum et mártyrum, qui, doctóres sacræ theológiæ, divórtio illo ab Henríco rege Octávo propósito obstitérunt et in fidelitáte erga Románum Pontíficem tenáciter perseverárunt, quaprópter post captivitátem in Turre civitátis, patíbulo in loco Smithfield suspénsi sunt.
9. In vico Daying prope urbem Zaoqiang in Hebei Sinárum província, sancti Ioséphi Yuan Gengyin, mártyris, qui in persecutióne sectatórum « Yihetuan », cum ínstitor esset in núndinis loci, propter Christi nomen occísus est.
10 *. In loco Calafell prope Tarracónem ad oram Hispániæ, beatórum mártyrum Brauliónis Maríæ (Pauli) Corres Díaz de Cerio, presbyteri, et quattuórdecim sociórum ex Ordine Sancti Ioánnis a Deo, qui, in persecutióne erga religiósos capti, inimícis ignoscéntes beatíssimam martyrii corónam meruérunt.
Quorum nomina: beati lulianus (Michael) Carrasquer Fos, Eusebius (Antonius) Forcades Ferraté, Constans (Saturninus) Roca Huguet, Benedictus losephus Labre (Arsenius) Mañoso González, Vincentius de Paul Canelles Vives, religiosi; Thomas Urdánoz Aldaz, Raphael Flamarique Salinas, Antonius Llauradó Parisi, Emmanuel López Orbara, Ignatius Tejero Molina, Henricus Beltrán Llorca, Dominicus Pitarch Gurrea, Antonius Sanchís Silvestre, Emmanuel Jiménez Salado, novitii.
11 *. In óppido Castelserás prope Terúlium item in Hispánia, beatórum mártyrum Ioséphi Maríæ Muro Sanmiguel, presbyteri, Ióachim Prats Baltueña, religiósi, ex Ordine Prædicatórum, et Zósimi Izquierdo Gil, presbyteri qui, eádem persecutióne erga fidem furénte, pry Christo corónam glóriæ consecúti sunt.
12 *. Barcinóne item in Hispánia, beáti Sérgii Cid Pazo, presbyteri e Societáte Salesiána et mártyris, qui, témpore eiúsdem persecutiónis, ob impávidum fídei testimónium occúbuit.
13. Patávii in Itália, sancti Leopóldi (Bogdáni) de Castronóvo Mandic, presbyteri ex Ordine Fratrum Minórum Capuccinórum, qui christianórum unitátis zelo exársit et totam vitam impéndit in ministérium reconciliatiónis.
14 *. Guadalaxáræ in Mexico, beátæ Maríæ Vincéntiæ a Sancta Dorothéa Chávez Orozco, vírginis, quæ, fundátrix Institúti Servárum Páuperum, soli Deo et Providéntiæ auxílio confísa, testimónium dedit lenitátis ac sedulitátis in mæréntes et páuperes.
15. Ibídem, beátæ Maríæ a Iesu Sacramentáto Venegas de la Torre, vírginis, quæ quinquagínta et quáttuor annos in infírmos curándos óperam impéndit in parvo valetudinário pro paupéribus, in quo Congregatiónem Filiárum a Sacro Corde Iesu fundávit.
Et álibi aliórum plurimórum sanctórum Mártyrum et Confessórum, atque sanctárum Vírginum.
r. Deo grátias.
v. Pretiósa in conspéctu Dómini, (T.P. Allelúia.)
r. Mors sanctórum eius, (T.P. Allelúia.)
r. Mors sanctórum eius, (T.P. Allelúia.)
Lectio brevis (1Thess 2, 9-12)
Mémores estis, fratres, labóris nostri et fatigatiónis; nocte et die operántes, ne quem vestrum gravarémus, prædicávimus in vobis evangélium Dei. Vos testes estis et Deus, quam sancte et iuste et sine queréla vobis, qui credidístis, fúimus; sicut scitis quáliter unumquémque vestrum, tamquam pater fílios suos, deprecántes vos et consolántes testificáti sumus, ut ambularétis digne Deo, qui vocat vos in suum regnum et glóriam.
For you remember, brethren, our labour and toil: working night and day, lest we should be chargeable to any of you, we preached among you the gospel of God. You are witnesses, and God also, how holily, and justly, and without blame, we have been to you that have believed: As you know in what manner, entreating and comforting you, (as a father doth his children,) We testified to every one of you, that you would walk worthy of God, who hath called you unto his kingdom and glory.
Verbum Dómini. r. Deo grátias.
Word of the Lord. r. Let us give thanks to God.
Sancta María et omnes Sancti intercédant pro nobis ad Dóminum, ut nos mereámur ab eo adiuvári et salvári, qui vivit et regnat in sǽcula sæculórum. r. Amen.
May Saint Mary and all the Saints intercede for us with the Lord, that we may deserve to be helped and saved by him who lives and reigns for ever and ever. r. Amen.
Absente sacerdote vel diacono, et in recitatione a solo, sic concluditur:
In the absence of a deacon or a priest, and in the recitation alone, it is concluded thus:
Dóminus nos benedícat, et ab omni malo deféndat, et ad vitam perdúcat ætérnam. r. Amen.
May the Lord bless us, forbid us from all evil, and bring us to eternal life. r. Amen.
Et fidélium ánimæ per misericórdiam Dei requiéscant in pace. r. Amen.
And may their souls rest in peace through the mercy of God. r. Amen.
v. Ite in pace. r. Deo grátias.
v. Go in peace. r. Let us give thanks to God.
The translations proposed here have the sole purpose of a better understanding of the Latin text. They are not to be used in place of the official translations in the liturgy in the vernacular.
