Die 7 octobris
1. Memória beátæ Maríæ Vírginis de Rosário, die quo per Rosárii seu mariális corónæ precatiónem sanctæ Dei Genetrícis præsídium invocátur ad Christi mysteriórum meditatiónem promovéndam, ipsa ducénte, quæ incarnatióni, passióni ac resurrectióni Fílii Dei singuláriter sociáta est.
2. Cápuæ in Campánia, sancti Marcélli, mártyris.
3. Patávii in Venétia, sanctæ lustínæ, vírginis et mártyris.
4. Bethsáloe in Augústa Euphratésia província Syriæ, sanctórum Sérgii et Bacchi, mártyrum.
5. Romæ, sancti Marci, papæ, qui títulum in Pallacínis cóndidit et basílicam in cœmetério Balbínæ via Ardeatína, ubi ipse humátus est.
6. Apud Biturígas in Aquitánia, sancti Augústi, presbyteri et abbátis, qui, mánibus pedibúsque ádeo contráctis, ut non áliter quam si génibus et cúbitis se sustentáret, sancti Martíni intercessióne sanátus, mónachos congregávit et contínuo oratióni vacávit.
7 *. Sántonis item in Aquitánia, sancti Palládii, epíscopi, qui super sancti Eutrópii túmulum basílicam eréxit et sanctórum cultum in civitáte sua ampliávit.
8 *. In monastério Bellofonténsi in Legionénsi regno, beáti Martíni, cognoménto Cid, abbátis, qui hoc cœnóbium fundávit et ad Ordinem Cisterciénsem aggregávit.
9 *. In freto maris in Rupifórtium Gálliæ vergénte, beáti Ioánnis Hunot, presbyteri et mártyris, qui, in gállica perturbatióne ob sacerdótium in navem servitútis trusus, fidelitáte erga Deum cursum captivitátis suæ complévit.
10 *. In vico Benaguacil in pago Valentíno Hispániæ, beáti Ioséphi Llosá Balaguer, religiósi e Tértio Ordine Sancti Francísci Capulatórum a beáta Vírgine Perdolénti et mártyris, qui in persecutióne erga fidem martyrium passus est.
Et álibi aliórum plurimórum sanctórum Mártyrum et Confessórum, atque sanctárum Vírginum.
r. Deo grátias.
v. Pretiósa in conspéctu Dómini, (T.P. Allelúia.)
r. Mors sanctórum eius, (T.P. Allelúia.)
r. Mors sanctórum eius, (T.P. Allelúia.)
Lectio brevis (Iudt 13, 18-19)
Benedícta tu es, fília, a Deo excélso præ ómnibus muliéribus, quæ sunt super terram. Et benedíctus Dóminus, Deus noster, qui creávit cælum et terram, qui diréxit te in vulnus cápitis príncipis inimicórum nostrórum. Quóniam non discédet laus tua a corde hóminum memorántium virtútis Dei usque in sempitérnum.
Verbum Dómini. r. Deo grátias.
Word of the Lord. r. Let us give thanks to God.
Sancta María et omnes Sancti intercédant pro nobis ad Dóminum, ut nos mereámur ab eo adiuvári et salvári, qui vivit et regnat in sǽcula sæculórum. r. Amen.
May Saint Mary and all the Saints intercede for us with the Lord, that we may deserve to be helped and saved by him who lives and reigns for ever and ever. r. Amen.
Absente sacerdote vel diacono, et in recitatione a solo, sic concluditur:
In the absence of a deacon or a priest, and in the recitation alone, it is concluded thus:
Dóminus nos benedícat, et ab omni malo deféndat, et ad vitam perdúcat ætérnam. r. Amen.
May the Lord bless us, forbid us from all evil, and bring us to eternal life. r. Amen.
Et fidélium ánimæ per misericórdiam Dei requiéscant in pace. r. Amen.
And may their souls rest in peace through the mercy of God. r. Amen.
v. Ite in pace. r. Deo grátias.
v. Go in peace. r. Let us give thanks to God.
The translations proposed here have the sole purpose of a better understanding of the Latin text. They are not to be used in place of the official translations in the liturgy in the vernacular.
