v. Deus, ✠ in adiutórium meum inténde.
v. O God, come to my assistance;
r. Dómine, ad adiuvándum me festína.
r. O Lord, make haste to help me.
Glória Patri, et Fílio, et Spirítui Sancto. Sicut erat in princípio, et nunc et semper, et in sǽcula sæculórum. Amen.
Glory be to the Father, and to the Son, and to the Holy Spirit. As it was in the beginning, is now, and ever shall be, world without end. Amen.
Allelúia.
Hymnus
Quem terra, pontus, ǽthera colunt, adórant, prǽdicant trinam regéntem máchinam, claustrum Maríæ báiulat.
Cui luna, sol et ómniadesérviunt per témpora,perfúsa cæli grátiagestant puéllæ víscera.
Beáta mater múnere,cuius, supérnus ártifex,mundum pugíllo cóntinens,ventris sub arca clausus est.
Beáta cæli núntio,fecúnda Sancto Spíritu,desiderátus géntibuscuius per alvum fusus est.
Iesu, tibi sit glória,qui natus es de Vírgine,cum Patre et almo Spíritu,in sempitérna sǽcula. Amen.
Jesus, to Thee be glory given, Whom erst the Virgin-Mother bore, With Father and with Holy Ghost, Through endless ages evermore.
Ant. 1. Laborávi clamans, dum spero in Deum meum.
Ant. 1.
Psalmus 68
Psalm 68
Zelus domus tuæ comedit me
The zeal of Your house devours me
Dederunt ei vinum bibere cum felle mixtum (Mt 27,34).
They gave Him wine mixed with gall to drink.
I
I
Salvum me fac, Deus, * quóniam venérunt aquæ usque ad guttur meum.
Infíxus sum in limo profúndi, et non est substántia; * veni in profúnda aquárum, et fluctus demérsit me.
Laborávi clamans, raucæ factæ sunt fauces meæ; * defecérunt óculi mei, dum spero in Deum meum.
Multiplicáti sunt super capíllos cápitis mei, * qui odérunt me gratis.
Confortáti sunt, qui persecúti sunt me inimíci mei mendáces; * quæ non rápui, tunc exsolvébam.
Deus, tu scis insipiéntiam meam, * et delícta mea a te non sunt abscóndita.
Non erubéscant in me, qui exspéctant te, * Dómine, Dómine virtútum.
Non confundántur super me, * qui quærunt te, Deus Israel.
Quóniam propter te sustínui oppróbrium, * opéruit confúsio fáciem meam;
extráneus factus sum frátribus meis * et peregrínus fíliis matris meæ.
Quóniam zelus domus tuæ comédit me, * et oppróbria exprobrántium tibi cecidérunt super me.
Et flevi in ieiúnio ánimam meam, * et factum est in oppróbrium mihi.
Et pósui vestiméntum meum cilícium, * et factus sum illis in parábolam.
Advérsum me loquebántur, qui sedébant in porta, * et in me canébant, qui bibébant vinum.
Glória Patri, et Fílio, * et Spirítui Sancto.
Glory be to the Father, and to the Son, and to the Holy Spirit.
Sicut erat in princípio, et nunc et semper, * et in sǽcula sæculórum. Amen.
As it was in the beginning, is now and ever shall be, and ever shall be. Amen.
Ant. Laborávi clamans, dum spero in Deum meum.
Ant.
Ant. 2. Dedérunt in escam meam fel, et in siti mea potavérunt me acéto.
Ant. 2.
II
II
Ego vero oratiónem meam ad te, Dómine, * in témpore benepláciti, Deus.
In multitúdine misericórdiæ tuæ exáudi me, * in veritáte salútis tuæ.
Éripe me de luto, ut non infígar, † erípiar ab iis, qui odérunt me, * et de profúndis aquárum.
Exáudi me, Dómine, quóniam benígna est misericórdia tua; * secúndum multitúdinem miseratiónum tuárum réspice in me.
Et ne avértas fáciem tuam a púero tuo; * quóniam tríbulor, velóciter exáudi me.
Accéde ad ánimam meam, víndica eam, * propter inimícos meos rédime me.
Tu scis oppróbrium meum * et confusiónem meam et reveréntiam meam.
In conspéctu tuo sunt omnes, qui tríbulant me; *oppróbrium contrívit cor meum, et elángui.
Et sustínui, qui simul contristarétur, et non fuit, * et qui consolarétur, et non invéni.
Et dedérunt in escam meam fel * et in siti mea potavérunt me acéto.
[Fiat mensa eórum coram ipsis in láqueum * et in retributiónes et in scándalum.
Obscuréntur óculi eórum, ne vídeant, * et lumbos eórum semper infírma.
Effúnde super eos iram tuam, * et furor iræ tuæ comprehéndat eos.
Fiat commorátio eórum desérta, * et in tabernáculis eórum non sit qui inhábitet.
Quóniam, quem tu percussísti, persecúti sunt, * et super dolórem eíus, quem vulnerásti, addidérunt.
Appóne iniquitátem super iniquitátem eórum, * et non véniant ad iustítiam tuam.
Deleántur de libro vivéntium * et cum iústis non scribántur.]
Glória Patri, et Fílio, * et Spirítui Sancto.
Glory be to the Father, and to the Son, and to the Holy Spirit.
Sicut erat in princípio, et nunc et semper, * et in sǽcula sæculórum. Amen.
As it was in the beginning, is now and ever shall be, and ever shall be. Amen.
Ant. Dedérunt in escam meam fel, et in siti mea potavérunt me acéto.
Ant.
Ant. 3. Quǽrite Dóminum, et vivet ánima vestra.
Ant. 3.
III
III
Ego autem sum pauper et dolens; * salus tua, Deus, súscipit me.
Laudábo nomen Dei cum cántico * et magnificábo eum in laude.
Et placébit Dómino super taurum, * super vítulum córnua producéntem et úngulas.
Vídeant húmiles et læténtur; * quærite Deus, et vivet cor vestrum,
quóniam exaudívit páuperes Dóminus * et vinctos suos non despéxit.
Laudent illum cæli et terra, * mária et ómnia reptília in eis.
Quóniam Deus salvam fáciet Sion † et ædificábit civitátes Iudæ; * et inhabitábunt ibi et possidébunt eam.
Et semen servórum eius hereditábunt eam * et, qui díligunt nomen eius, habitábunt in ea.
Glória Patri, et Fílio, * et Spirítui Sancto.
Glory be to the Father, and to the Son, and to the Holy Spirit.
Sicut erat in princípio, et nunc et semper, * et in sǽcula sæculórum. Amen.
As it was in the beginning, is now and ever shall be, and ever shall be. Amen.
Ant. Quǽrite Dóminum, et vivet ánima vestra.
Ant.
In primo nocturno, anno I
De libro Osée prophétæ
Hæc dicit Dóminus: "Audíte verbum Dómini, fílii Israel, quia iudícium Dómino cum habitatóribus terræ: non est enim véritas, et non est benígnitas, et non est sciéntia Dei in terra; maledíctum et mendácium et homicídium et furtum et adultérium inundavérunt, et sanguis sánguinem tétigit. Propter hoc lugébit terra, et infirmábitur omnis qui hábitat in ea, cum béstia agri et vólucre cæli, sed et pisces maris auferéntur. Verúmtamen non sit qui conténdat nec qui árguat, sed tecum iudícium meum, sacérdos. Et córrues plena die, et córruet étiam prophéta tecum nocte; et perdam matrem tuam."
"Perit pópulus meus, eo quod non habúerit sciéntiam. Quia tu sciéntiam reppulísti, repéllam te, ne sacerdótio fungáris mihi; et quia oblítus es legis Dei tui, oblivíscar filiórum tuórum et ego. Secúndum multitúdinem eórum, sic peccavérunt mihi; glóriam eórum in ignomíniam commutábo. Peccátum pópuli mei cómedunt et ad iniquitátem eórum sublevábunt ánimas eórum. Et erit sicut pópulus sic sacérdos; et visitábo super eum vias eius et ópera eius reddam ei. Et cómedent et non saturabúntur; fornicabúntur et non multiplicabúntur, quóniam Dóminum reliquérunt in non custodiéndo."
"Audíte hoc, sacerdótes, et atténdite domus Israel, et, domus regis, auscultáte, quia vobis iudícium est; quóniam láqueus facti estis pro Maspha et rete expánsum super Thabor. Et fóveam Settim profúndam fecérunt; ego autem castigábo vos omnes. Ego scio Ephraim, et Israel non est abscónditus a me; quia nunc fornicátus es, Ephraim, contaminátus est Israel. Non dabunt ópera sua, ut revertántur ad Deum suum, quia spíritus fornicatiónis in médio eórum, et Dóminum non cognovérunt. Et testátur arrogántia Israel in fáciem suam, et Israel et Ephraim ruent in iniquitáte sua: ruet étiam Iudas cum eis. In grégibus suis et in arméntis suis vadent ad quæréndum Dóminum et non invénient; subtráxit se ab eis. In Dóminum prævaricáti sunt, quia fílios aliénos genuérunt; nunc devorábit eos uno mense cum pártibus suis."
r. Pópule meus, quid feci aut quid moléstus fui tibi? Respónde mihi. Quóniam ego edúxi vos de terra Ægýpti et de domo servitútis. Quadragínta annos in erémo * Manna plui vobis, et oblíti estis me, dicit Dóminus. v. Addúxi vos per desértum quadragínta annos in erémo, ego Dóminus. * Manna. v. Glória Patri. * Manna.
In secundo nocturno, anno I
Ex Epístula dogmática Ferrándi diáconi contra Ariános (N. 15: PLS 4, 34-35)
Duo agit sacérdos: aut interpéllat exaudiéndus, aut agit grátias exaudítus; interpéllans, offert sacrifícium deprecatiónis; agens grátias, offert sacrifícium laudis; interpéllans, allégat necessitátes delinquéntium; agens grátias, benefícia enúmerat satisfaciéntibus concéssa misericórditer; interpéllans, petit véniam reis; agens grátias, congaudére desíderat absolútis. Sic et Christus habens sempitérnum sacerdótium quem perseveráre non próhibet mors, sicut céteros sacerdótes, interpellávit pro nobis, in cruce sacrifícium próprii córporis ófferens; interpéllat étiam modo pro ómnibus, nos ipsos Deo mundum sacrifícium fíeri cúpiens.
Sed cum fúerit in nobis misericórdia divína perfécta, cum absórpta fúerit mors in victória, cum transiérint ómnia mala nostra, quando satiáti ómnibus bonis, nec peccábimus, nec dolébimus, nec inimícum diábolum patiémur, sed in summa pace ac felicitáte regnábimus; désinet quidem tunc interpelláre pro nobis non habéntibus iam quid pétere debeámus; numquam tamen désinet grátias ágere pro nobis. Sicut enim modo per sacerdótem nostrum pétimus misericórdiam, sic in illa tunc beatitúdine constitúti, per sacerdótem nostrum offerémus sacrifícium laudis.
Semper ergo erit sacérdos Christus, per quem póssumus offérre sacrifícium laudis; semper minor, quia sacérdos. Verúmtamen quia unus est semper Christus, ipse est sacérdos, ipse est Deus, qui cum Patre et Spíritu Sancto a fidélibus adorátur, benedícitur, glorificátur; ipse interpéllat, ipse miserétur, ipse grátias agit, ipse grátiam donat.
r. Delectáre in Dómino, * Et dabit tibi petitiónes cordis tui. v. Revéla Dómino viam tuam et spera in eum, et ipse faciet. * Et dabit. v. Glória Patri. * Et dabit.
Postea dicitur immediate et sine orémus oratio propria, cum conclusione longiore.
Dóminus vobíscum.
r. Et cum spíritu tuo.
Benedícat vos omnípotens Deus, Pater, ✠ et Fílius, et Spíritus Sanctus.
r. Amen.
Vel alia formula benedictionis, sicut in Missa.
Et si fit dimissio, sequitur invitatio:
Absente sacerdote vel diacono, et in recitatione a solo, sic concluditur:
Dóminus nos benedícat, et ab omni malo deféndat, et ad vitam perdúcat ætérnam. r. Amen.
