Die 13 decembris
1. Memória sanctæ Lúciæ, vírginis et mártyris, quæ accénsam lámpadem in occúrsu Sponsi, dum víveret, custodívit et, Syracúsis in Sicília ad mortem pro Christo perdúcta, cum eo ad núptias introíre méruit et lumen indefíciens possidére.
2. In Portu Románo, sancti Aristóriis, mártyris.
3. In Sulcitána peninsula Sardíniæ, sancti Antíochi, mártyris.
4. In Arménia, sanctorum Eustrátii, Auxéntii, Eugénii, Mardárii et Oréstis, mártyrum.
5. In Néustria septemtrionáli, sancti ludóci, presbyteri et eremítæ, qui, fílius luthǽlis, Armóricæ regis, et frater sancti ludicǽlis, ne patri succédere cogerétur, pátriam relíquit et ad vitam eremíticam secéssit.
6. Cameráci in Austrásia, sancti Autbérti, epíscopi.
7. In pago Argentoraténsi Burgúndiæ, sanctæ Othíliæ, vírginis et primæ abbatíssæ monastérii Altitonénsis ab Adalríco duce, eius patre, cónditi.
8 *. Neápoli in Campánia, beáti Ioánnis (Francísci) Marinoni, presbyteri ex Ordine Clericórum Regulárium vulgo Theatinórum, qui una cum sancto Caietáno ad cleri reformatiónem ac animárum salútem se cóntulit et ad egénos sublevándos Monti Pietátis favit.
9. In monastério Visitatiónis Molinénsi in Gállia, natális sanctæ loánnæ Francíscæ Frémiot de Chantal, cuius memória die duodécima augústi ágitur.
10 *. Firmi in Picéno Itáliæ, beáti Antónii Grassi, presbyteri e Congregatióne Oratórii, viri húmilis et pacífici, qui exémplo suo ádmodum ad observándam régulam confrátres ímpulit.
11. In pago Tjyen-Tiyou in Coréa, sanctorum Petri Cho Hwa-sò, patrisfamílias, et quinque sociórum, mártyrum, qui, a mandaríno promissiónibus ve1 torméntis temptáti, ut christiánam religiónem relínquerent, usque ad cápitis abscissiónem restitérunt.
Quorum nomina: sancti Petrus Yi Myòng-sò et Bartholomæus Chòng Mun-ho, patresfamilias; Petrus Sòn Sòn-ji, paterfamilias et catechista; losephus Petrus Han Chae-kwon, antea catechista; Petrus Chòng Won-ji, adulescens.
Et álibi aliórum plurimórum sanctórum Mártyrum et Confessórum, atque sanctárum Vírginum.
r. Deo grátias.
v. Pretiósa in conspéctu Dómini, (T.P. Allelúia.)
r. Mors sanctórum eius, (T.P. Allelúia.)
r. Mors sanctórum eius, (T.P. Allelúia.)
Lectio brevis (Eccli 51,13-14)
Exaltávi de terra supplicatiónem meam et pro morte defluénte deprecátus sum. Invocávi Dóminum: “Pater meus es tu, ne derelínquas me in die tribulatiónis meæ et in témpore superbórum sine adiutório.
Verbum Dómini. r. Deo grátias.
Word of the Lord. r. Let us give thanks to God.
Sancta María et omnes Sancti intercédant pro nobis ad Dóminum, ut nos mereámur ab eo adiuvári et salvári, qui vivit et regnat in sǽcula sæculórum. r. Amen.
May Saint Mary and all the Saints intercede for us with the Lord, that we may deserve to be helped and saved by him who lives and reigns for ever and ever. r. Amen.
Absente sacerdote vel diacono, et in recitatione a solo, sic concluditur:
In the absence of a deacon or a priest, and in the recitation alone, it is concluded thus:
Dóminus nos benedícat, et ab omni malo deféndat, et ad vitam perdúcat ætérnam. r. Amen.
May the Lord bless us, forbid us from all evil, and bring us to eternal life. r. Amen.
Et fidélium ánimæ per misericórdiam Dei requiéscant in pace. r. Amen.
And may their souls rest in peace through the mercy of God. r. Amen.
v. Ite in pace. r. Deo grátias.
v. Go in peace. r. Let us give thanks to God.
The translations proposed here have the sole purpose of a better understanding of the Latin text. They are not to be used in place of the official translations in the liturgy in the vernacular.
