Die 3 iunii
1. Memória sanctórum Cároli Lwanga et duódecim sociórum, qui inter quattuórdecim et trigínta annos nati, vel ex régia puerórum nobílium cohórte vel ipsíus regis Mwanga custódiæ addícti, neóphyti et fídei cathólicæ strénue adhæréntes, cum impudícis desidériis regis indulgére noluíssent, in colle Nadugongo in Ugánda partim gládio necáti, partim igne cremáti sunt.
Quorum nomina: sancti Mbaya Tuzinde, Bruno Seronuma, lacobus Buzabaliao, Kizito, Ambrosius Kibuka, Mgagga, Gyavira, Achilles Kiwanuka, Adolphus Ludigo Mkasa, Mukasa Kiriwanvu, Anatolius Kiriggwajjo, Lucas Banabakintu.
2. Carthágine, sancti Cæcílii, presbyteri, qui sanctum Cypriánum ad Christi fidem perdúxit.
3 *. Carcassóne in Gállia Narbonénsi, sancti Hilárii, qui primus huius civitátis epíscopus habétur, quo témpore Gothi ariánam hæresim in hac regióne diffundébant.
4. Turónis in Gállia Lugdunénsi, sanctæ Clotíldis regínæ, cuius précibus coniunx eius Clodovéus, rex Francórum, Christi fidem suscépit; ipsa post eius mortem ad basílicam Sancti Martíni sese pie recépit, ut iam non putarétur regína, sed própria Dei ancílla.
5. Magdúni ad Lígerim in território Aurelianénsi item Gálliæ, sancti Lifárdi, presbyteri, qui ibídem solitáriam duxit vitam.
6. Anágniæ in Campánia, sanctæ Olívæ, vírginis.
7 *. Glendaláci in Hibérnia, sancti Coemgéni, abbátis, qui monastérium fundávit, in quo multórum monachórum pater et dux fuísse tráditur.
8 *. Arvérnæ in Aquitánia, sancti Genésii, epíscopi Claromontáni, qui Magnilóci in ecclésia monastérii ab ipso cum hospítio cónditi depósitus est.
9. Córdubæ in Vandalícia Hispániæ regióne, sancti Isaac, mártyris, qui, mónachus, sub Maurórum potestáte, non humáno sed divíno impúlsu commótus, e Tabanénsi cœnóbio in forum descéndens iúdicem ádiit, ut cum eo de vera religióne decertáret, unde cápite damnátus est.
10. Lucæ in Etrúria, sancti Davíni, qui, arménus génere, vénditis ómnibus bonis, peregrínus pro Christo fuísse et, cum loca sancta et límina Apostolórum visitásset, morbo corréptus obiísse fertur.
11 *. In vico Altkirch in pago Basileénsi Helvetiórum, sancti Morándi, mónachi, qui, in Rhenánia ortus, iam présbyter ad Compostéllam perréxit et illinc rédiens Cluníaci mónachus factus est et monastérium cóndidit, ubi cursum laboriósæ vitæ complévit.
12 *. Hispélli in Umbria, beáti Andréæ Caccioli, qui, primus présbyter İnter Fratres Minóres adnumerátus, hábitum Ordinis e sancti Francísci minibus suscépit eíque moriénti ádstitit.
t3 *. In cœnóbio Sanctæ Maríæ de Cadóssa in Lucánia, sancti Coni, mónachi, qui monástica conversatióne et innocéntia vitæ, consummátus in brevi, ad virtútum cúlmina, Deo protegénte, pervénit.
14 *. Eboráci in Anglia, beáti Francísci Ingleby, presbyteri et mártyris, qui, alúmnus Collégii Anglórum Reménsis, sub Elísabeth regína Prima propter sacerdótium in pátria exércitum ad patíbuli supplícia ductus est.
I5. Xerítii in Vandalícia Hispániæ regióne, sancti Ioánnis Grande, religiósi ex Ordine Sancti Ioánnis a Deo, qui, caritáte erga captívos, derelíctos et reiéctos ab tudio insígnis, in pestiléntia vexátis curándis ipse inféctus óbiit.
16 *. In salo apud Rupifórtium in Gállia, beáti Cároli Renáti Collas du Bignon, presbyteri e Societáte a Sancto Sulpítio et mártyris, qui, rector Seminárii Minóris Bituricénsis, tudio perturbatióne sæviénte, propter sacerdótium in navem servitútis inclúsus et plagis verminósis inféctus occúbuit.
17. In urbe Au Thi in Tunquíno, sancti mártyris Petri Dông, qui, paterfamilias, cruciátus immánes subíre máluit quam crucem proculcáre et, cum in fácie sua loco verbórum « falsa relígio » illa « vera relígio » incidénda curásset, decollátus est sub imperatóre TQ Dúc.
18 *. In vico Bellegra in pago Románo, beáti Dídaci (Ioséphi) Oddi, religiósi ex Ordine Fratrum Minórum, oratióne et simplicitáte vitæ exímii.
19 *. Romæ, beáti Ioánnis papæ Vigésimi Tértii, qui vita et opéribus, singulári humanitáte imbútus, tudio pastoráli zelo abundántiam christiánæ caritátis in omnes effúndere stúduit ac fratérnam populórum uniónem excólere et, de pastoráli Ecclésiæ Christi efficacitáte in univérso orbe terrárum præcípue sollícitus, Concílium Œcuménicum Vaticánum Secúndum convocávit.
Et álibi aliórum plurimórum sanctórum Mártyrum et Confessórum, atque sanctárum Vírginum.
r. Deo grátias.
v. Pretiósa in conspéctu Dómini, (T.P. Allelúia.)
r. Mors sanctórum eius, (T.P. Allelúia.)
r. Mors sanctórum eius, (T.P. Allelúia.)
Lectio brevis (Sap 3,7-9)
Fulgébunt iusti et tamquam scintíllæ in arundinéto discúrrent; iudicábunt natiónes et dominabúntur pópulis, et regnábit Dóminus illórum in perpétuum. Qui confídunt in illo, intéllegent veritátem, et fidéles in dilectióne acquiéscent illi, quóniam grátia et misericórdia est sanctis eius, et visitátio eléctis eius.
Verbum Dómini. r. Deo grátias.
Word of the Lord. r. Let us give thanks to God.
Sancta María et omnes Sancti intercédant pro nobis ad Dóminum, ut nos mereámur ab eo adiuvári et salvári, qui vivit et regnat in sǽcula sæculórum. r. Amen.
May Saint Mary and all the Saints intercede for us with the Lord, that we may deserve to be helped and saved by him who lives and reigns for ever and ever. r. Amen.
Absente sacerdote vel diacono, et in recitatione a solo, sic concluditur:
In the absence of a deacon or a priest, and in the recitation alone, it is concluded thus:
Dóminus nos benedícat, et ab omni malo deféndat, et ad vitam perdúcat ætérnam. r. Amen.
May the Lord bless us, forbid us from all evil, and bring us to eternal life. r. Amen.
Et fidélium ánimæ per misericórdiam Dei requiéscant in pace. r. Amen.
And may their souls rest in peace through the mercy of God. r. Amen.
v. Ite in pace. r. Deo grátias.
v. Go in peace. r. Let us give thanks to God.
The translations proposed here have the sole purpose of a better understanding of the Latin text. They are not to be used in place of the official translations in the liturgy in the vernacular.
