Die 16 iunii
1. In Asiæ pártibus, commemorátio sanctórum Quírici et lulíttæ, mártyrum.
2. Vesontióne in Gállia Lugdunénsi, sanctórum Ferréoli et Ferrútii, mártyrum.
3. Nannétibus item in Lugdunénsi, sancti Sirriiliáni, epíscopi, quem sanctus Gregórius Turonénsis magnum confessórern laudat.
4. Amathúnte in Cypro, sancti Tychónis, epíscopi, témpore Theodósii iunióris imperatóris.
5. Mogúntiæ in Gállia Bélgica, sanctórum Aurei, epíscopi, lustínæ soróris eius, ac sociórum rnártyrum, qui, dum Eucharístiam celebrábant, ab Hunnis éthnicis trucidáti esse ferúntur.
6. Lugdúni in Gállia, deposítio sancti Aureliáni, epíscopi Arelaténsis, qui, a Vigílio papa vicárius in Gállia nominátus, duo monastéria, álterum viris, álterum féminis in civitáte sua eréxit, régulam eis tradens própriam.
7. Carráriæ in Etrúria, tránsitus sancti Cechárdi, epíscopi Lunénsis ac Sarzanénsis, qui, prope mármorum lapicidínas iníque a marmoráriis quibúsdam occísus, martyr reputátus est.
8. Misnæ in Saxónia, sancti Bennónis, epíscopi, qui, cum Ecclésiæ unitátem et Románo Pontífici fidelitátem serváre voluísset, a sede eiéctus exsílium perpéssus est.
9. In monastério moniálium Cisterciénsium Aquíriæ in Brabántia, sanctæ Lutgárdis, vírginis, devotióne erga sacrum Cor Dómini insígnis.
10 *. Londínii in Anglia, beáti Thomæ Reding, mártyris, mónachi e Cartúsia huius civitátis, qui, Henríco Octávo rege, unitáti Ecclésiæ fírmiter adhǽsit, quaprópter in squalóre cárceris vínculis immóbilis constríctus, fame et morbo conféctus óbiit.
11 *. Ad áncoram in salo ante portum Rupifórtii in Gállia, beáti Antónii Constántis Auriel, presbyteri et mártyris, qui, vicárius parœciális Cadurcénsis, tempóribus gállicæ perturbatiónis propter sacerdótium in squálida navi inclúsus, mox morbo corréptus in concaptívis adiuvándis spíritum réddidit.
12. In urbe Lăng Côc in Tunquíno, sanctórum mártyrum Domínici Nguyén, médici, Domínici Nhi, Domínici Mąo, Vincéntii et Andréæ Tuóng, agricolárum, qui ínsimul ob christiánam fidem apprehénsi et in cárcere multis torméntis excruciáti, tandem decolláti sunt, sub imperatóre TQ Oïíc.
13 *. In pago Ingenbohl prope Swiciam in Helvétia, beátæ Maríæ Terésiæ (Annæ Maríæ Catharínæ) Scherer, vírginis, quæ prima Soróres a Caritáte Sanctæ Crucis gubernávit.
Et álibi aliórum plurimórum sanctórum Mártyrum et Confessórum, atque sanctárum Vírginum.
r. Deo grátias.
v. Pretiósa in conspéctu Dómini, (T.P. Allelúia.)
r. Mors sanctórum eius, (T.P. Allelúia.)
r. Mors sanctórum eius, (T.P. Allelúia.)
Lectio brevis (Eccli 44,2.13-15)
Multam glóriam fecit Dóminus, magnificéntiam suam a sǽculo. Usque in ætérnum manet semen eórum, et glória eórum non derelinquétur. Córpora ipsórum in pace sepúlta sunt, et nomen eórum vivit in generatiónem et generatiónem; sapiéntiam ipsórum narrent pópuli, et laudem eórum núntiet ecclésia.
Verbum Dómini. r. Deo grátias.
Word of the Lord. r. Let us give thanks to God.
Sancta María et omnes Sancti intercédant pro nobis ad Dóminum, ut nos mereámur ab eo adiuvári et salvári, qui vivit et regnat in sǽcula sæculórum. r. Amen.
May Saint Mary and all the Saints intercede for us with the Lord, that we may deserve to be helped and saved by him who lives and reigns for ever and ever. r. Amen.
Absente sacerdote vel diacono, et in recitatione a solo, sic concluditur:
In the absence of a deacon or a priest, and in the recitation alone, it is concluded thus:
Dóminus nos benedícat, et ab omni malo deféndat, et ad vitam perdúcat ætérnam. r. Amen.
May the Lord bless us, forbid us from all evil, and bring us to eternal life. r. Amen.
Et fidélium ánimæ per misericórdiam Dei requiéscant in pace. r. Amen.
And may their souls rest in peace through the mercy of God. r. Amen.
v. Ite in pace. r. Deo grátias.
v. Go in peace. r. Let us give thanks to God.
The translations proposed here have the sole purpose of a better understanding of the Latin text. They are not to be used in place of the official translations in the liturgy in the vernacular.
