Christus natus est nobis : veníte adorémus !
v. Benedicámus Patrem et Fílium, cum Sancto Spíritu.
r. Laudémus et superexaltémus eum in sǽcula.
v. Glória Patri, et Fílio et Spirítui Sancto ;
r. Sicut erat in princípio, et nunc et semper, et in sǽcula sæculórum. Amen.
v. Adorámus te, Christe, et benedícimus tibi ;
r. Quia per sanctam Crucem tuam redemísti mundum.
Veni, Sancte Spíritus, reple tuórum corda fidélium,et tui amóris in eis ignem accénde.
Pater noster, qui es in cœlis, sanctificétur Nomen tuum : advéniat regnum tuum : fiat volúntas tua sicut in cœlo, et in terra.
Panem nostrum quotidiánum da nobis hódie : et dimítte nobis débita nostra, sicut et nos dimíttimus debitóribus nostris : et ne nos indúcas in tentatiónem : sed líbera nos a malo. Amen.
Ave Mária, grátia plena, Dóminus tecum : benedícta tu in muliéribus, et benedíctus fructus ventris tui, Jesus.
Sancta Mária, Mater Dei, ora pro nobis peccatóribus, nunc et in hora mortis nostræ. Amen.
Credo in Deum, Patrem omnipoténtem, creatórem cœli et terræ
Et in Jesum Christum Fílium ejus únicum, Dóminum nostrum : qui concéptus est de Spíritu Sancto : natus ex Mária Vírgine, passus sub Póntio Piláto, crucifíxus, mórtuus et sepúltus : descéndit ad in cœlos, tértia die resurréxit a mórtuis : ascéndit ad cœlos, sedet ad déxteram Dei Patris omnipoténtis : inde ventúrus est judicáre vivos et mórtuos.
Credo in Spíritum Sanctum, sanctam Ecclésiam Cathólicam , Sanctórum communiónem, remissiónem peccatórum, carnis resurrectiónem, vitam ætérnam. Amen.
A solis ortus cardine ad usque terrae limitem Christum canamus Principem, natum Maria Virgine.
Beatus auctor saeculi servile corpus induit, ut carne carnem liberansnon perderet quod condidit.
Foeno jacere pertulit, praesepe non abhorruit, parvoque lacte pastus estper quem nec ales esurit.
Gaudet chorus caelestiumet Angeli canunt Deum, palamque fit pastoribus Pastor, Creator omnium.
Confiteor Deo omnipotenti, beatae Mariae semper Virgini, beato Michaeli Archangelo, beato Johanni Baptistae, sanctis Apostolis Petro et Paulo, et omnibus Sanctis, quia peccavi nimis cogitatione, verbo, et opere : mea culpa, mea culpa, mea maxima culpa.
Ideo precor beatam Mariam semper Virginem, beatum Michaelem Archangelum , beatum Johannem Baptistam , sanctos Apostolos Petrum et Paulum, et omnes Saoctos, orare pro me ad Dominum Deum nostrum.
Misereatur nostri omnipotens Deus, et dimissis peccatis nostris, perducat nos ad vitam aeternam. Amen.
Indulgentiam, absolutionem, et remissionem peccatorum nostrorum tribuat nobis omnipotens et misericors Dominus. Amen.
v. Domine, exaudi orationem meam ;
r. Et clamor meus ad te veniat.
Domine, Deus omnipotens, qui ad principium hujus diei nos pervenire fecisti, tua nos hodie salva virtute, ut in hac die ad nullum declinemus peccatum ; sed semper ad tuam justitiam faciendam nostra procedant eloquia, dirigantur cogitationes et opera. Per Dominum nostrum Jesum Christum Filium tuum, qui tecum vivit et regnat in unitate Spiritus Sancti Deus, per omnia sæcula sæculorum. Amen.
v. Verbum caro factum est. Alleluia.
r. Et habitavit in nobis. Alleluia.
Da nobis, quaesumus, omnipotens Deus, ut qui nova incarnati Verbi tui luce perfundimur; hoc in nostro resplendeat opere quod per fidem fulget in mente. Per eumdem Christum Dominum nostrum. Amen.
Jesu, Redemptor omnium, Quem lucis ante originem Parem paternoe glorias Pater supremus edidit ;
"Tu lumen et splendor Patris, Tu spes perennis omnium, Intende quas fundunt preces," Tui per orbem servuli.
Memento, rerum Conditor, Nostri quod olim corporis Sacrata ab alvo Virginis Nascendo formam sumpseris.
Jesu, tibi sit gloria Cum Patre et almo Spiritu Qui natus es de Virgine, In sempiterna sœcula. Amen.
Alma Redemptoris Mater, quae pervia cœli Porta manes, et Stella maris, succurre cadenti, Surgere qui curat populo : tu quae genuisti, Natura mirante, tuum sanctum Genitorem. Virgo prius ac posterius, Gabrielis ab ore Sumens illud Ave, peccatorum miserere.
v. Post partum, Virgo, inviolata permansisti.
r. Dei Genitrix, intercede pro nobis.
OREMUS
Deus, qui salutis aeternae, beatae Marie virginitate fecunda, humano generi praemia praestitisti: tribue, quaesumus, ut ipsam pro nobis intercedere sentiamus, per quam meruimus auctorem vitae suscipere, Dominum nostrum Jesum Christum Filium tuum. Amen.
Kyrie, eleison.
Christe, eleison.
Kyrie, eleison.
Christe, audi nos.
Christe, exaudi nos.
Pater de cœlis, Deus,miserere nobis.
Fili, Redemptor mundi, Deus, miserere nobis.
Spiritus Sancte, Deus, miserere nobis.
Sancta Trinitas , unus Deus, miserere nobis.
Sancta Maria, ora pro nobis.
Sancta Dei Genitrix, ora, etc.
Sancta Virgo virginum.
Mater Christi.
Mater divinae gratiae
Mater purissima.
Mater castissima.
Mater inviolata.
Mater intemeráta.
Mater amábilis.
Mater admirabilis.
Mater Creatoris.
Mater Salvatoris.
Virgo prudentissima.
Virgo veneranda.
Virgo praedicanda.
Virgo potens.
Virgo clemens.
Virgo fidelis.
Speculum justitiae.
Sedes Sapientiae.
Causa nostrae laetitiae.
Vas spirituale.
Vas honorabile.
Vas insigne devotionis.
Rosa mystica.
Turris Davidica
Turris eburnea.
Domus aurea.
Fœderis arca.
Janua cœli.
Stella matutina.
Salus infirmorum.
Refugium peccatorum.
Consolatrix afflictorum.
Auxilium Christianorum.
Regina Angelorum.
Regina Patriarcharum.
Regina Prophetarum.
Regina Apostolorum.
Regina Martyrum.
Regina Confessorum.
Regina Virginum.
Regina Sanctorum omnium.
Regina sine labe originali concepta.
Regina sacratissimi Rosarii.
Agnus Dei, qui tollis peccata mundi, parce nobis, Domine.
Agnus Dei, qui tollis peccata mundi, exaudi nos, Domine.
Agnus Dei, qui tollis peccata mundi, miserere nobis.
Christe, audi nos.
Christe, exaudi nos.
v. Ora pro nobis , sancta Dei Genitrix ;
r. Ut digni efficiamur promissionibus Christi.
Oremus
.Concede nos famulos tuos, quaesumus, Domine Deus, perpetua mentis et corporis sanitate gaudere; et gloriosa beatae Mariae semper Virginis intercessione, a praesenti liberari tristitia, et aeterna perfrui laetitia. Per Christum Dominum nostrum. Amen.
Sancti Angeli, custodes nostri, defendite nos in praelio, ut non pereamus in tremendo judicio.
v. Angelis suis Deus mandavit de te,
r. Ut custodiant te in omnibus viis tuis.
OREMUS.
Deus qui ineffabili providentia sanctos angelos tuos ad nostram custodiam mittere dignaris: largire supplicibus tuis, et eorum semper protectione defendi, et aeterna societate gaudere. Per Christum Dominum nostrum. Amen.
Ant. Sancti Dei omnes, intercedere dignemini pro nostra omniumque salute.
De profundis clamavi ad te, Domine : Domine, exaudi vocem meam.
Fiant aures tuae intendentes : in vocem deprecationis meae.
Si iniquitates observaveris, Domine : Domine, quis sustinebit ?
Quia apud te propitiatio est : et propter legem tuam sustinui te, Domine.
Sustinuit anima mea in verbo ejus : speravit anima mea in Domino.
A custodia matutina usque ad noctem : speret Israël in Domino.
Quia apud Dominum misericordia : et copiosa apud eum redemptio.
Et ipse redimet Israël : ex omnibus iniquitatibus.
Requiem aeternam dona eis, Domine :
Et lux perpetua luceat eis.
v. A porta inferi,
r. Erue, Domine, animas eorum.
v. Requiescant in pace.
r. Amen.
v. Domine, exaudi orationem meam ;
r. Et clamor meus ad te veniat.
Fidelium Deus omnium Conditor et Redemptor, animabus famulorum famularumque tuarum, remissionem cunctorum tribue peccatorum : ut indulgentiam, quam semper optaverunt, piis supplicationibus consequantur. Qui vivis et regnas in saecula saeculorum. Amen.
Ant. Salva nos, Domine, vigilantes ; custodi nos dormientes : ut vigilemus cum Christo, et requiescamus in pace.
v. Dignare, Domine, nocte ista,
r. Sine peccato nos custodire.
v. Miserere nostri, Domine.
r. Miserere nostri.
v. Fiat misericordia tua, Domine, super nos,
r. Quemadmodum speravimus in te.
v. Domine, exaudi orationem meam ;
r. Et clamor meus ad te veniat.
Visita, quæsumus Domine, habitationem istam, et omnes insidias inimici ab ea longe repelle : Angeli tui sancti habitent in ea, qui nos in pace custodiant, et benedictio tua sit super nos semper. Per Dominum nostrum Jesum Christum, Filium tuum, qui tecum vivit et regnat in unitate Spiritus Sancti Deus, per omnia sæcula sæculorum. Amen.
v. Notum fecit Dominus, alleluia. r. Salutare suum. Alleluia.
Deus, qui sacratissimam noctem veri luminis fecisti illustratione clarescere; da, quaesumus, ut cujus lucis mysteria in terra cognovimus, ejus quoque gaudiis in coelo perfruamur. Qui tecum vivit et regnat in saecula saeculorum. Amen.
