v. Deus, in adjutorium meum intende.
r. Domine, ad adjuvandum me festina.
Gloria Patri, et Filio, et Spiritui Sancto ;
Sicut erat in principio, et nunc et semper, et in saecula sæculorum. Amen.
Dixit Dominus Domino meo : * Sede a dextris meis.
Donec ponam inimicos tuos : * scabellum pedum tuorum.
Virgam virtutis tuae emittet Dominus ex Sion : *dominare in medio inimicorum tuorum.
Tecum principium in die virtutis tuas in splendoribus Sanctorum : * ex utero ante luciferum genui te.
Juravit Dominus, et non pœnitebit eum : * Tu es Sacerdos in sternum secundum ordinem Melchisedech.
Dominus a dextris tuis : * confregit in die iræ suæ reges.
Judicabit in nationibus, implebit ruinas : * conquassabit capita in terra multorum.
De torrente in via bibet : * propterea exaltabit caput.
Confitebor. tibi, Domine, in toto corde meo : * in concilio justorum et congregatione.
Magna opera Domini : * exquisita in omnes voluntates ejus.
Confessio et magnificentia opus ejus : * et justitia ejus manet in sæculum sæculi.
Memoriam fecit mirabilium suorum, misericors et miserator Dominus : * escam dedit timentibus se.
Memor erit in sæculum testamenti sui : * virtutem operum suorum annuntiabit populo suo.
Ut det illis hæreditatem gentium : * opera manuum ejus veritas et judicium.
Fidelia omnia mandata ejus, confirmata in sæculum sæculi : * facta in veritate et æquitate.
Redemptionem misit populo suo : * mandavit in æternum testamentum suum.
Sanctum et terribile Nomen ejus : * initium sapientiæ timor Domini.
Intellectus bonus omnibus facientibus eum : * laudatio ejus manet in sæculum sæculi.
Beatus vir qui timet Dominum : * in mandatis ejus volet nimis.
Potens in terra erit semen ejus : * generatio rectorum benedicetur.
Gloria et divitiæ in domo ejus : * et justitia ejus manet in sæculum sæculi.
Exortum est in tenebris lumen rectis : * misericors , et miserator, et justus.
Jucundus homo, qui miseretur et commodat, disponet sermones suos in judicio : * quia in æternum non commovebitur.
In memoria alterna erit justus : * ab auditione mala non timebit.
Paratum cor ejus sperare in Domino, confirmatum est cor ejus : * non commovebitur donec despiciat inimicos suos.
Dispersit, dedit pauperibus ; justitia ejus manet in sæculum sæculi : * cornu ejus exaltabitur in gloria.
Laudate, pueri, Dominum : * laudate Nomen Domini.
Suscitans a terra inopem : * et de stercore erigens pauperem.
Sit Nomen Domini benedictum : * ex hoc nunc et usque in saeculum.
A solis ortu usque ad occasum : * laudabile Nomen Domini.
Excelsus super omnes Gentes Dominus : * et super cœlos gloria ejus.
Quis sicut Dominus Deus noster qui in altis habitat : * et humilia respicit in cœlo et in terra ?
Ut collocet eum cum principibus : * cum principibus populi sui.
Qui habitare facit sterilem in domo : * matrem filiorum laetantem.
In exitu Israël de Aegypto : * domus Jacob de populo barbaro.
Mare vidit, et fugit : * Jordanis conversus est retrorsum.
A facie Domini mota est terra : * a facie Dei Jacob.
Facta est Judaea sanctificatio ejus : * Israël potestas ejus.
Montes exsultaverunt ut arietes : * et colles sicut agni ovium.
Quid est tibi, mare, quod fugisti : * et tu, Jordanis, quia conversus es retrorsum :
Montes, exsultastis sicut arietes : * et colles, sicut agni ovium ?
Qui convertit petram in stagna aquarum : * et rupem in fontes aquarum.
Non nobis, Domine, non nobis : * sed Nomini tuo da gloriam.
Super misericordia tua, et veritate tua : * nequando dicant gentes : Ubi est Deus eorum ?
Deus autem noster in cœlo : * omnia quaecumque voluit fecit.
Os habent, et non loquentur : * oculos habent, et non videbunt.
Aures habent, et non audient : * nares habent, et non odorabunt.
Manus habent, et non palpabunt ; pedes habent , et non ambulabunt : * non clamabunt in gutture suo.
Similes illis fiant qui faciunt ea : * et omnes qui confidunt in eis.
Domus Israël speravit in Domino ; * adjutor eorum, et protector eorum est.
Domus Aaron speravit in Domino : * adjutor eorum, et protector eorum est.
Qui timent Dominum speraverunt in Domino : * adjutor eorum, et protector eorum est.
Dominus memor fuit nostri : * et benedixit nobis.
Benedixit omnibus qui timent Dominum : * pusillis cum majoribus.
Adjiciat Dominus super vos : * super vos, et super filios vestros.
Cœlum cœli Domino : * terram autem dedit filiis hominum.
Non mortui laudabunt te, Domine : * neque omnes qui descendunt in infernum.
Sed nos qui vivimus benedicimus Domino : * ex hoc nunc et usque in sæculum.
Simulacra gentium argentum et aurum : * opera manuum hominum.
Benedixit domui Israël : * benedixit domui Aaron.
Benedicti vos a Domino : * qui fecit cœlum et terram.
Benedictus Deus et Pater Domini nostri Jesu Christi, Pater misericordiarum, et Deus totius consolationis, qui consolatur nos in omni tribulatione nostra.
R. Deo gratias.
Lucis Creátor óptime Lucem diérum próferens : Primórdiis lucis novæ, Mundi parans oríginem.
Qui mane junctum vésperi Diem vocári prǽcipis : Illábitur tetrum chaos,
Ne mens gravata crimine,
Vitae sit exsul munere :
Dum nil perenne cogitat,
Seseque culpis illigat.
Caeleste pulset ostium,
Vitale tollat praemium :
Vitemus omne noxium,
Purgemus omne pessimum.
Praesta, Pater piissime,
Patrique compar Unice,
Audi preces cum fletibus.
Cum Spiritu Paraclito
Regnans per omne saeculum. Amen.
v. Dirigatur, Domine , oratio mea,
r. Sicut incensum in conspectu tuo.
MAGNÍFICAT ánima mea Dóminum ;
Et exsultávit spíritus meus : * in Deo Salutári meo.
Quia respéxit humilitátem ancíllæ sua : : * ecce enim ex hoc beátam me dicent omnes generatiónes.
Quia fecit mihi magna qui potens est : * et sanctum Nomen ejus.
Et misericórdia ejus a progénie in progénies : * timéntibus eum.
Fecit poténtiam in bráchio suo : * dispérsit supérbos mente cordis sui.
Depósuit poténtes de sede : * et exaltávit húmiles.
Esuriéntes implévit bonis : * et dívites dimísit inánes.
Suscépit Israel púerum suum : * recordátus misericórdiæ suæ.
Sicut locútus est ad patres nostros : * Abraham et sémini ejus in sǽcula.
v. Benedicamus Domino.
r. Deo gratias.
v. Fidelium animae per misericordiam Dei requiescant in pace.
r. Amen.
