Die 24 iunii
1. Sollémnitas Nativitátis sancti Ioánnis Baptístæ, Præcursóris Dómini, qui iam in útero matris, Spíritu Sancto replétæ, exsultávit gáudio ad humánæ salútis advéntum cuiúsque ipsa natívitas Dóminum Christum prophetávit; et tanta grátia refúlsit in eo, ut ipse Dóminus de illo díceret néminem maiórem inter natos mulíerum Ioánne Baptísta.
2. Romæ ad Septem Palúmbas via Salária Vétere, sanctórum Ioánnis et Festi, mártyrum.
3. Augustodúni in Gállia Lugdunénsi, sancti Simplícii, qui nóbilis et devótæ stirpis, honestíssimæ cóniugis societáte castíssime vivens, ad episcopátum eléctus est.
4. In vico Cristólio territórii Parisiénsis, pássio sanctórum Agoárdi et Agilbérti aliorúmque multórum, mártyrum.
5. Mechlíniæ in Brabántia, sancti Rumóldi, qui eremíta et martyr cólitur.
6. Láubii in Austrásia, sancti Theodúlfi, epíscopi et abbátis.
7 *. Nannétibus in Británnia Minóre, sancti Gohárdi, epíscOpi et mártyris, qui Missárum sollémnia cum pópulo célebrans in ecclésiFt cathedráli, dum « Sursum corda » canébat, impiórum Normannórum sagíttis confíxus cum plúrimis fidélibus occúbuit.
8 *. Vestervígi in Dánia, sancti Theodgári, presbyteri, qui missionárius in hac regióne primam constrúxit ecclésiam lígneam.
9. In Sichuan Sinárum província, sancti Ioséphi Yuan Zaide, presbyteri et mártyris, in ódium fídei christiánæ stranguláti.
10 *. Guadalaxáræ in México, beátæ Maríæ a Guadalúpe (Anastásiæ) García Zavala, vírginis, quæ Congregatiónis Ancillárum Sanctæ Margarítæ Maríæ et Páuperum fundátioni náviter intérfuit et sédula inter páuperes ægrotósque perégit ópera caritátis.
Et álibi aliórum plurimórum sanctórum Mártyrum et Confessórum, atque sanctárum Vírginum.
r. Deo grátias.
v. Pretiósa in conspéctu Dómini, (T.P. Allelúia.)
r. Mors sanctórum eius, (T.P. Allelúia.)
r. Mors sanctórum eius, (T.P. Allelúia.)
Lectio brevis (Is 49,7)
Haec dicit Dominus, redemptor Israel, Sanctus eius, ad contemptum in anima, ad abominatum in gente, ad servum dominorum: “ Reges videbunt et consurgent, principes quoque et adorabunt, propter Dominum, quia fidelis est, Sanctum Israel, qui elegit te ”.
Verbum Dómini. r. Deo grátias.
Word of the Lord. r. Let us give thanks to God.
Sancta María et omnes Sancti intercédant pro nobis ad Dóminum, ut nos mereámur ab eo adiuvári et salvári, qui vivit et regnat in sǽcula sæculórum. r. Amen.
May Saint Mary and all the Saints intercede for us with the Lord, that we may deserve to be helped and saved by him who lives and reigns for ever and ever. r. Amen.
Absente sacerdote vel diacono, et in recitatione a solo, sic concluditur:
In the absence of a deacon or a priest, and in the recitation alone, it is concluded thus:
Dóminus nos benedícat, et ab omni malo deféndat, et ad vitam perdúcat ætérnam. r. Amen.
May the Lord bless us, forbid us from all evil, and bring us to eternal life. r. Amen.
Et fidélium ánimæ per misericórdiam Dei requiéscant in pace. r. Amen.
And may their souls rest in peace through the mercy of God. r. Amen.
v. Ite in pace. r. Deo grátias.
v. Go in peace. r. Let us give thanks to God.
The translations proposed here have the sole purpose of a better understanding of the Latin text. They are not to be used in place of the official translations in the liturgy in the vernacular.
